EV Scooter: पेट्रोलच्या किंमतींनी हैराण…पंपाकडे ढुंकूनही पाहू नका… या टॉप इलेक्ट्रिक स्कूटर वापरा

Cheapest Electric Scooters in India: मध्य आशियातील इंधन संकटामुळे जग वेठीस आहे. पेट्रोल आणि डिझेलच्या किंमती जवळपास चार रुपये प्रति लिटरने वाढल्या आहेत. पाच दिवसांपूर्वी तीन रुपयांनी तर आज जवळपास एक रुपयांनी किंमती वधारल्या. लोक आता दुसरा पर्याय शोधत आहेत. या इलेक्ट्रिक स्कुटर असल्यावर तुम्हाला पेट्रोल पंपाकडे ढुंकूनही पाहण्याची गरज नाही.

Hero Vida V1 Plus/V2

हिरो मोटोकॉर्पने Vida ब्रँडसोबत इलेक्ट्रिक स्कुटर लाँच केली आहे. या स्कुटरच्या Baas मॉडेलची किंमत 44 हजारांपासून सुरु होते. तर इतर मॉडेल एक लाखांपासून सुरू होतात. या स्कुटरची रेंज 110 किमी इतकी आहे. Hero Vida V1 plus V2 मध्ये 7 इंच टचस्क्रीन, क्रूझ कंट्रोल आणि की-लेन्स एंट्री असे फिचर्स आहेत.

Bajaj Chetak ईव्ही

बाजारातील जुना प्लेअर बजाज कंपनीने बजाज चेतक ही स्कुटर बाजारात उतरवली आहे. Bajaj Chetak 2901 हे मॉडल आहे. या स्कुटरची किंमत 96 हजारांपासून सुरू होते. स्कुटरची बॅटरी 2.88 kWh आहे. तर दाव्यानुसार ही स्कुटर 123 किमीची रेंज देते. या स्कुटरमध्ये कलर डिजिटल कन्सोल, ब्लूटूथ कनेक्टिव्हिटी आणि हिल होल्ड असे फीचर्स आहेत.

Ather Rizta ची ईव्ही

Ather हा भारतीय बाजारातील नवीन भिडू आहे. कंपनीने Ather Rizta लाँच केली आहे. या कंपनीने इलेक्ट्रिक स्कुटरमध्ये धाक जमवला आहे. ही स्कुटर 1.9 लाखांपासून सुरू होते. Ather Rizta स्कुटरमध्ये 2.9 kWh ची बॅटरी आहे. ही स्कुटर 123 किमीची रेंज देते. आरामदायी आसन, 34 लिटरचे सीट स्टोरेज, गुगल मॅप्स नॅव्हिगेशन सारखे स्मार्ट फिचर्स या स्कुटरमध्ये आहे.

Ola S1 X इलेक्ट्रिक स्कुटर

ओलाने भारतात इलेक्ट्रिक स्कुटर बाजारात दबदबा तयार केला आहे. कंपनीने Ola S1 मालिकेतील तिसरी पिढी समोर आणली आहे. Ola S1 X या इलेक्ट्रिक स्कुटरची किंमत 74,999 रुपयांपासून होते. ही स्कुटर 2 kWh, 3 kWh आणि 4 kWh अशा तीन बॅटरी पर्यायात उपलब्ध आहे. या इलेक्ट्रिक स्कुटरमध्ये 4.3 इंचाची एलसीडी स्क्रीन देण्यात आलेली आहे.

TVS iQube ची इलेक्ट्रिक स्कुटर

TVS iQube च्या इलेक्ट्रिक स्कुटरमध्ये 2.2 kWh बॅटरी देण्यात आली आहे. या स्कुटरची रेंज 75 किमी इतकी आहे. या ईव्हीमध्ये 5 इंचची टीएफटी स्क्रीन, टर्न-बाय-टर्न नेव्हिगेशन आणि 32 लिटर स्टोरेज दिले आहे. TVS iQube च्या बेस मॉडेलची किंमत 95,000 रुपयांपासून सुरू होते. तर नवीन TVS iQube S आणि TVS iQube ST ची किंमत एक लाखांच्या पुढे आहे.