Ola च्या इलेक्ट्रिक स्कूटर S1 चं उत्पादन बंद, ग्राहकांसमोर केवळ S1 Pro चा पर्याय
ओला इलेक्ट्रिकने आपल्या सर्वात स्वस्त ई-स्कूटर S1 चे उत्पादन तात्पुरते स्थगित करण्याचा निर्णय घेतला आहे. कंपनीने सर्व S1 ग्राहकांना याबाबत माहिती देणारा ईमेलही पाठवला आहे.
मुंबई : ओला इलेक्ट्रिकने आपल्या सर्वात स्वस्त ई-स्कूटर S1 चे उत्पादन तात्पुरते स्थगित करण्याचा निर्णय घेतला आहे. कंपनीने सर्व S1 ग्राहकांना याबाबत माहिती देणारा ईमेलही पाठवला आहे. कंपनीने संभाव्य S1 खरेदीदारांना पाठवलेल्या ईमेलनुसार, कंपनी हे व्हेरिएंट बनवणे थांबवेल. ओलाचा दावा आहे की, त्यांच्या बहुतेक ग्राहकांनी अधिक महाग असलेलं आणि लोडेड व्हेरिएंट S1 Pro (Ola S1 Pro) खरेदी केले आहे. ग्राहकांची पसंती एस 1 प्रो या स्कूटरला जास्त आहे, त्यामुळे कंपनी उत्पादन लाइनमध्ये त्या व्हेरियंटला प्राधान्य देत आहे.
S1 ग्राहकांना S1 Pro वर अपग्रेड करण्याचा पर्याय देण्यात आला आहे, परंतु यासाठी त्यांना अधिक पैसे मोजावे लागतील. मात्र, तरीही ग्राहकांना S1 व्हेरिएंटच घ्यायचं असेल तर त्यांना वर्षाच्या अखेरपर्यंत वाट पाहावी लागेल. ज्यांनी बेस-स्पेक S1 बुक केली आहे ते अपग्रेड पर्यायाची निवड करू शकतात. 21 जानेवारी रोजी संध्याकाळी 6 वाजता ओला अॅपवर अंतिम पेमेंट विंडो उघडेल तेव्हा ग्राहक या पर्यायाची निवड करु शकतात.
ओलाने ई-स्कूटर S1 चे उत्पादन थांबवले
ई-स्कूटर निर्मात्या कंपनीची ही नवीन डेव्हलपमेंट अशा खरेदीदारांसाठी योग्य नाही ज्यांनी ईव्ही पाहिल्याशिवाय किंवा अनुभवल्याशिवाय ब्रँडवर विश्वास ठेवला होता. या ग्राहकांनी महिनोन्महिने वाट पाहिली आणि आता या बातमीनंतर ओलाच्या ग्राहकांच्या विश्वासाला तडे जाऊ शकतात. ओलाचे हे वर्तन चुकीचे आहे. ग्राहकांचं म्हणणं आहे की, कंपनीने योग्य वेळी S1 व्हेरिएंटसाठी बुकिंग घेणे बंद करायला हवे होते, तसेच उत्पादन बंद करण्यापूर्वी ज्या ग्राहकांनी एस 1 ई स्कूटर बुक केली आहे, त्यांना वाहन डिलीव्हर करायला हवे होते.
OLA कडून ग्राहकांना ईमेल
ग्राहकांना त्यांच्या स्कूटरच्या होम डिलिव्हरीसाठी डिस्पॅचनंतर 10 ते 20 दिवस प्रतीक्षा करावी लागू शकते. हा कालावधी एखाद्या विशिष्ट शहरातील ग्राहकाचे स्थान आणि आरटीओच्या आवश्यकतेवर अवलंबून असेल. S1 इलेक्ट्रिक स्कूटरच्या खरेदीदारांना पाठवलेल्या ईमेलनुसार, खरेदीदारांना त्या व्हेरिएंटचे उत्पादन पुन्हा सुरू होईपर्यंत प्रतीक्षा करण्याचा पर्याय आहे.
S1 साठी उत्पादन पुन्हा सुरू होताच ग्राहकांना सूचित केले जाईल. त्यानंतर ते अंतिम पेमेंट करू शकतात. S1 खरेदीदारांसाठी दुसरा पर्याय म्हणजे ते बुकिंग रद्द करू शकतात. हे ओला अॅपवर किंवा त्यांच्या customer support team शी संपर्क साधून ते बुकिंग रद्द करु शकतात.
इतर बातम्या
3 लाखांहून कमी किंमतीत 5 गाड्या, मारुती वॅगनआरसह चांगले पर्याय उपलब्ध
आता 8 सीटर गाड्यांमध्ये 6 एयरबॅग्स अनिवार्य, लवकरच नियम लागू होणार
प्रतीक्षा संपली ! सेव्हन सिटर Kia Carens कार भारतात लॉन्च, फक्त 25 हजार रुपये देऊन करा बूक
(Ola S1 electric scooter production discontinued, forced to upgrade to S1 Pro alleges customers)
