धूमsssss! टीव्हीएसच्या या बाइकची जोरदार चर्चा, रॉयल एनफिल्डशी असेल थेट स्पर्धा
टीव्हीएसनं भारतीय बाजारात एका पेक्षा एक सरस मॉडेल सादर केले आहेत. प्रीमियम व्हेरियंटमध्ये अपाचे आरआर 310 नियो रोनिन बाइक्स सादर केली आहे.
मुंबई : ऑटो कंपन्या भारतीय ग्राहकांना आकर्षित करण्याची एकही संधी सोडत नाहीत. भारतात चारचाकीच्या तुलनेत दुचाकींना सर्वाधिक मागणी आहे. त्यामुळे ऑटो कंपन्यांची चढाओढ लागली आहे. आता टीव्हीएस कंपनीने भारतीय बाजारात आणखी एक मॉडेल सादर करण्याची तयारी सुरु केली आहे. टीव्हीएस मोटर कंपनी बाइक सेगमेंटमध्ये 600 सीसी ते 750 सीसी इंजिन असलेली बाइक आणण्याच्या तयारीत आहे. ही गाडी ट्विन सिलेंडर सेटअपसह सादर केली जाणार आहे.
माहितीनुसार, 650 सीसी इंजिन असलेली नवी टीव्हीएस बाइक 47 बीएचपीची पॉवर आणि 52 एनएम पीक टॉर्क जनरेट करू शकते. ही गाडी युकेच्या नॉर्टन मोटरसायकल कंपनीसोबत एकत्र येत डेव्हलप केली आहे. लाँचिंगनंतर थेट रॉयल एनफिल्ड 650 सीसी बाइकशी स्पर्धा करणार आहे. यात इंटरसेप्टर 650 आणि कॉन्टिनेन्टल जीटी 650 या गाड्यांचा समावेश आहे.
कंपनीने या बाइकच्या निर्मितीवर जोर लावला आहे. मात्र कोणतेही डिटेल्स शेअर केलेले नाहीत. टीव्हीएस कंपनीची 650 सीसी बाइक सर्वात महागडी बाइक असण्याची शक्यता आहे.
मागच्या आठवड्यात टीव्हीएसने गोव्यात बाइकिंग फेस्टिवल टीव्हीएस मोटोसोल 2023 आयोजन केलं होतं. दोन दिवसांच्या या कार्यक्रमात रोनिन प्लॅटफॉर्मवर 4 कस्टमाइज्ड बाइक सादर करण्यात आल्या. यात टीव्हीएस रोनिन अगोंडा, टीव्हीएस रोनिन मुसाशि, टीव्हीएस रोनिन एससीआर या बाइकचा समावेश आहे.
टीव्हीएस रोनिन एससीआरबाबत सांगायचं तर, या बाइकमध्ये रेग्युलर मॉडेलच्या तुलनेत सस्पेंशन स्पेपर्स आणि हाय ग्राउंड क्लियरन्स स्क्रॅम्बलर बाइक आहे. सेमी नॉबी शिंको टायर, वायर स्पोक व्हील्समुळे ही बाइक वेगळी दिसते. या बाइकमध्ये हाय माउंटेड एग्जॉस्ट सिस्टमसुद्धा आहे.
टीव्हीएस रॉनिन एससीआरमध्ये ट्वीन पॉड इंस्ट्रुमेंट क्लस्टर आहे. या व्यतिरिक्त हायलाइट्समध्ये ट्वीड एलईडी हेडलँप, वर असलेला फ्रंट बीक, नवीन बॉडी स्ट्रक्चर आणि सिंगल सीट आहे. पण असं असलं तरी टीव्हीएस रॉनिन एससीआरची निर्मिती करण्याचा विचार नाही. मोटोसोल कार्यक्रमात सादर केलेली ही बाइक कित्येक फीचर्सला सपोर्ट करते.
