7th Pay Commission : केंद्रीय कर्मचाऱ्यांना (7th Pay Commission Govt Employees) येत्या सप्टेंबर महिन्यात 28 टक्के महागाई भत्ता (Dearness Allowance) मिळणार आहे. मात्र आता सरकारी कर्मचाऱ्यांसाठी आणखी एक खुशखबर आहे. सरकार लवकरच जूनचा महागाई भत्ताही याला जोडूनच देण्याची शक्यता आहे. जर असं झालं तर केंद्रीय कर्मचाऱ्यांना सप्टेंबर महिन्यात 28 टक्क्यांऐवजी 31 टक्के महागाई भत्ता मिळेल. जून 2021 चा महागाई भत्ता किती असेल हे अद्याप निश्चित नाही. मात्र AICPI च्या आकडेवारीनुसार हा भत्ता 3 टक्के असेल असं सांगण्यात येत आहे. हा भत्ता कधी दिला जाईल हे सुद्धा अजून निश्चित नाही. मात्र त्याबाबतची घोषणाही लवकरच होऊ शकते.
जर तीन टक्के महागाई भत्ता वाढला, तर सरकारी कर्मचाऱ्यांना 31 टक्के भत्ता मिळेल. जर ते शक्य झालं तर केंद्रीय कर्मचाऱ्यांचा पगार पुन्हा वाढेल.
7th Pay Commission मेट्रिक्सनुसार, केंद्रीय कर्मचाऱ्यांची लेवल 1 चा पगार 18 हजार रुपयांपासून 56,900 रुपयांपर्यंत आहे. म्हणजे केंद्रीय कर्मचाऱ्यांचं किमान वेतन 18 हजार रुपये आहे. या आधारे जर पगाराचं गणित केलं, तर सप्टेंबर महिन्यात या कर्मचाऱ्यांना दमदार पगार मिळू शकेल.
31% महागाई भत्ता झाला तर पगाराचं गणित कसं असेल?
कर्मचाऱ्यांची बेसिक सॅलरी – 18 हजार रुपये
नवा महागाई भत्ता (31%) – 5,580 दर महिना
जुना महागाई भत्ता (17%) – 3,060 दर महिना
महागाई भत्ता किती वाढला – 2520 दर महिना
बेसिक सॅलरीवर कॅल्युलेशन
ही गणना लेवल 1 नुसार दिल्या जाणारी सर्वाधिक सॅलरीवर आहे. लेवल 1 मध्ये किमान वेतन 18 हजार आहे, तर कमाल म्हणजे सर्वाधिक पगार 56,900 आहे. त्यामध्ये 28 टक्के महागाई भत्त्यानुसार या बेसिक सॅलरीवर वर्षाला महागाई भत्ता 1,91,184 रुपये होईल. त्यामुळे मूळ पगारात वार्षिक 75,108 रुपयांची वाढ होईल.
31 टक्के महागाई भत्त्याच्या हिशेबाने ज्यांचा पगार 56900 रुपये असेल, त्यांना वर्षाला एकूण महागाई भत्ता 2,11,668 रुपये मिळेल. यातील फरक पाहिला तर सॅलरी वर्षाला 95,592 रुपयांनी वाढेल.
संबंधित बातम्या
चांगली बातमी: मोदी सरकार मोठी घोषणा करणार, मूळ वेतन 15000 वरून 21000 पर्यंत वाढणार
7th Pay Commission : 52 लाख केंद्रीय कर्मचारी आणि 60 लाख पेन्शनर्सना अशा पद्धतीनं 34500 कोटी मिळणार