‘या’ सरकारी योजनेत दररोज फक्त 7 रुपये वाचवून 60 हजारांपर्यंत पेन्शन मिळवा, गुंतवणुकीचा जबरदस्त फंडा

आपण यामध्ये अल्प प्रमाणात गुंतवणूक करण्यास प्रारंभ करू शकता. त्या बदल्यात तुम्हाला दरमहा एक निश्चित रक्कम मिळू शकते. या योजनेत शासनाचेही योगदान आहे.

तर 300 च्या आसपासचा सिबिल स्कोअर हा वाईट मानला जातो. त्यामुळे तुमचा अर्ज बँकेकडून नाकारला जाऊ शकतो.

TV9 मराठी डिजीटल टीम | Edited By: Vaibhav Desai | Updated on: Jul 07, 2021 | 5:12 PM

नवी दिल्लीः जर आपल्याला सेवानिवृत्तीनंतरच्या आर्थिक स्थिरतेबद्दल काळजी वाटत असेल तर आजपासूनच गुंतवणूक सुरू करा. अशा परिस्थितीत सरकारची अटल पेन्शन योजना (APY) आपल्यासाठी फायदेशीर ठरू शकते. आपण यामध्ये अल्प प्रमाणात गुंतवणूक करण्यास प्रारंभ करू शकता. त्या बदल्यात तुम्हाला दरमहा एक निश्चित रक्कम मिळू शकते. या योजनेत शासनाचेही योगदान आहे. (Atal Pension Scheme Invest Rs 7 Daily And Get Up To 60000 Pension Know Details)

योजनेचे ठळक मुद्दे

भविष्य सुरक्षित करण्यासाठी अटल निवृत्तीवेतन योजना हा एक उत्तम पर्याय आहे. या योजनेंतर्गत दरमहा एक हजार ते पाच हजार रुपये मासिक पेन्शन मिळू शकते. या योजनेत आपल्याला 20 वर्षे गुंतवणूक करावी लागेल. योजनेचा लाभ घेण्यासाठी अर्जदाराचे वय 18 ते 40 वर्षे असावे.

योजनेचे फायदे

अटल पेन्शन योजनेंतर्गत ऑटो डेबिट सुविधा उपलब्ध आहे. ज्यामध्ये ग्राहक प्रत्येक महिन्यात, तिमाहीत किंवा प्रत्येक सहामाही हप्त्यात त्यांची बचत थेट ठेवू शकतात. योजनेत गुंतवणूकदाराच्या मृत्यूच्या वेळी, त्याचे कुटुंब किंवा नामित व्यक्तीला पेन्शन मिळते. योजनेचा फायदा मुख्यतः असंघटित क्षेत्रातील कर्मचार्‍यांना आहे. अटल पेन्शन योजनेंतर्गत अर्ज ऑनलाईन आणि ऑफलाईन दोन्ही पद्धतीने करता येतात.

60 हजार रुपये कसे मिळवायचे?

अटल पेन्शन योजनेंतर्गत पेन्शन वेगवेगळ्या योगदानानुसार मिळू शकते. जर एखाद्याने 18 वर्षांमध्ये गुंतवणूक सुरू केली असेल आणि दरमहा 42 रुपये जमा केले असेल तर अशा व्यक्तीस मासिक पेन्शन 1000 रुपये मिळेल. त्याचप्रमाणे 2000 च्या मासिक पेन्शनसाठी दरमहा 84 रुपये द्यावे लागतील. त्याचप्रमाणे, दरमहा 5,000 रुपये मिळण्यासाठी म्हणजेच 60,000 रुपये वार्षिक, तुम्हाला दरमहा 7 रुपये म्हणजेच 210 रुपये दरमहा जमा करावे लागतील.

तुमचा आधार ईपीएफ खात्याशी लिंक नाही, मग खात्यात जमा होणार नाहीत पैसे

कर्मचारी भविष्य निर्वाह निधी (EPF) खात्याला आधार क्रमांक लिंक करणे अनिवार्य केले आहे. कर्मचार्‍यांच्या भविष्य निर्वाह निधी संघटनेने (ईपीएफओ) नियोक्तांना सूचना दिली आहे की ईसीएफ (इलेक्ट्रॉनिक चालान कम रिटर्न) केवळ त्या ईपीएफओ सदस्यांसाठी परवानगी आहे ज्यांचे खाते आधारशी जोडलेले आहे. जर एखाद्याचे ईपीएफ खाते आधार क्रमांकाशी जोडलेले नसेल तर अशा ईपीएफ खात्यात मालकाचे योगदान जमा होणार नाही.

संबंधित बातम्या