Gold And Silver Price Today : सोने आणि चांदीचा जुलूम सुरूच आहे का? भाव वधारले की आली स्वस्ताई, काय आहेत भाव तरी?
Gold And Silver Price Today : गेल्या दोन दिवसांपासून सोने आणि चांदीत चढउतार दिसत आहे. तेजीसह मंदीची पण लाट आली. मग आज काय आहेत सोने-चांदीचा भाव?जाणून घ्या.
Gold And Silver Rate Today : वायदे बाजारात (MCX) सलग दोन दिवसांपासून सोने आणि चांदीवर मंदीचे सावट आहे. तर सराफा बाजारात या दोन्ही धातुनी कहर केला आहे. दोन्ही धातुत मोठी वाढ दिसून आली. जळगावच्या सराफा बाजारातही सोने आणि चांदीने ग्राहकांना चकवा दिला. अचानक भाव गडगडले. सोने-चांदीत चढउताराचे सत्र दिसून येत आहे. तर वायदे बाजारात 26 सप्टेंबर रोजी सोन्याच्या किंमतीत वाढ केली. सकाळी 9.30 वाजता एमसीएक्सवर सोने 174 रुपये प्रति 10 ग्रॅमने वधारले. तर चांदीत सध्या 109 रुपयांची प्रति किलो घसरण दिसली.
सोन्याचा भाव काय?
goodreturns.in नुसार, 24 सप्टेंबर रोजी 1 ग्रॅम 24 कॅरेट सोने 32 रुपयांनी घसरले होते. तर आज सकाळी सोने 93 रुपयांनी स्वस्त झाले. 10 ग्रॅममागे सोने गेल्या दोन दिवसात 1250 रुपयांनी स्वस्त झाले. या पडझडीनंतर आज सकाळी 1 ग्रॅम सोने 40 रुपयांनी, 10 ग्रॅम सोने 400 रुपयांनी महागले. 24 कॅरेट 1 ग्रॅम सोन्याचा भाव आज सकाळच्या सत्रात 11,488 रुपये तर 22 कॅरेट सोने 10,530 रुपये इतका आहे.
चांदीची 3000 रुपयांची झेप
22 सप्टेंबर रोजी 3000 रुपयांनी चांदी महागली. नंतर दोन दिवसांपासून गुडरिटर्न्सनुसार किंमतीत बदल दिसला नाही. तर 26 सप्टेंबर रोजी 3000 रुपयांनी चांदी वधारली. गुडरिटर्न्सनुसार, एक किलो चांदीचा भाव 1,43,000 रुपये इतका आहे.
14 ते 24 कॅरेटचा भाव काय
आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) सोने आणि चांदी वधारले. 24 कॅरेट सोने 1,13,350 रुपये, 23 कॅरेट 1,12,900, 22 कॅरेट सोने 1,03,830 रुपयांवर आहे. 18 कॅरेट आता 85,001 रुपये, 14 कॅरेट सोने 66,310 रुपये प्रति 10 ग्रॅमवर आहे. एक किलो चांदीचा भाव 1,37,040 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.
सोने-चांदीत महागाईचे कारण काय?
सोन्याची किंमत धडाधड वाढत असल्याने ग्राहकांना धडकी बसली आहे जागतिक बाजारातील अस्थिरता, अमेरिकन फेडरल रिझर्व्ह बँकेची व्याजदर कपात आणि अजून या वर्षाअखेरीस व्याजदर कपातीचे संकेत यामुळे गुंतवणूकदार सोने-चांदीकडे वळाले आहेत. मागणी आणि पुरवठ्यातील व्यस्त प्रमाणामुळे किंमती भडकल्या आहेत. व्याज दर कमी झाल्याचे परिणाम थेट डॉलर आणि बाँडवर दिसत आहे गुंतवणूकदार सुरक्षित गुंतवणूक म्हणून या दोन्ही धातुकडे वळल्याने किंमती सातत्याने वाढत आहेत.
