Gold Pirce : सोन्याचा भाव तब्बल 23000 रुपयांनी घसरला, ऑगस्टपासून…चकित करणारे आकडे समोर, दागिने करण्याची हीच वेळ!

Gold Rate : गेल्या काही दिवसांपासून सोने आणि चांदीच्या भावात घसरण झाली आहे. विशेष म्हणजे ही घसरण सातत्याने चालूच आहे. सोने आणि चांदीचा भाव कमी झाल्यामुळे आता सोन्यात गुंतवणूक करावी का? सोन्याचे दागिने करावेत का? असे विचारले जात आहे. याच पार्श्वभूमीवर गेल्या महिन्याभरात सोने-चांदीचा भाव किती कमी झाला? सोनं घसरणीला का लागलंय? तसेच सोन्यात गुंतवणूक करावी का? हे जाणून घेऊ या….

सोन्याचा भाव किती रुपयांनी कमी झाला?

गेल्या महिन्याभराचा विचार करायचा झाल्यास सोन्याचा भाव चांगलाच कमी झाला आहे. ऑगस्ट महिन्यातील उच्चांकापासून सोन्याचा भाव तब्बल 23000 रुपये प्रति 10 ग्रॅमपर्यंत घसरला आहे. तर दुसरीकडे चांदीचा भाव हा ऑगस्ट महिन्याच्या सार्वकालिक उच्चांकाच्या तुलनेत तब्बल 56,000 रुपये प्रति किलोने कमी झालाय. त्यामुळेच ऑगस्ट महिन्यापासून तुलना करायची झाल्यास सोन्याचा भाव 23 हजार रुपयांनी कमी झाल्याने गुंतवणूक करावी का? असा प्रश्न सामान्यांना पडलाय.

सोन्याचा भाव नेमका का घसरत आहे?

सोन्याचा भाव घसरल्याने आगामी काळातही घसरणीचा हा कल कायम असणार का? असे सामान्य लोक तसेच गुंतवणूकदार विचारत आहेत. अमेरिकेत व्याजदर वाढण्याची शक्यता व्यक्त केली जात आहे. दुसरीकडे कच्चे तेल महाग होतेय. यासह जागतिक पातळीवरील तणाव यामुळे सोने आणि चांदीच्या भावात सध्या तणाव जाणवतोय. याचाच परिणाम म्हणून गुंतवणूकदार सुरक्षित पर्याय शोधत आहेत. परिणामी सोने आणि चांदीच्या भावात घसरण होताना पाहायला मिळतेय.

ऑगस्ट ते ऑक्टोबर, भाव कसा कमी झाला?

ऑगस्ट महिन्यात चांदीचा भाव 2,48,800 रुपये प्रति किलो या उच्चाकांवर होती. शुक्रवारी चांदीचा भाव 6,800 रुपयांनी घसरून थेट 1,92,800 रुपये प्रति किलोपर्यंत कमी झाला. या हिशोबाने चांदीच्या भावात 56,000 रुपयांनी घसरण झाली. दुसरीकडे सोन्याचा भाव ऑगस्ट महिन्यात 1,64,773 रुपये प्रति 10 ग्रॅम होता. हा भाव आता 23,000 रुपयांनी कमी झालाय. दरम्यान, सध्याच्या जागतिक बाजारातील अस्थिरता लक्षात घेता सोन्यात विचारपूर्वक गुंतवणूक करावी, असे सांगितले जातेय.