Gold Price Today : ऑगस्टच्या पहिल्याच सोमवारी खुशखबर ! सोन्याची पुन्हा घसरण, तुमच्या शहरात किंमत किती ?
Gold Price Today 3 August 2026 Latest News Updates in Marathi : सणासुदीचा आणि लग्नसराईचा हंगाम जवळ येत असताना देशांतर्गत बाजारात सोन्या-चांदीच्या किमतीत झालेली घसरण ग्राहकांसाठी दिलासादायक ठरत आहे. आज 3 ऑगस्ट रोजी देशातील प्रमुख शहरांत 1 तोळा सोन्याचे दर किती ते जाणून घेऊया.
20206 या वर्षातील 8व्या अर्थात ऑगस्ट महिन्याला सुरूवात झाली असून नव्या महिन्याचा पहिला सोमवार ग्राहकांसाठी खाश खबर घेऊन आला आहे. लवकरच सणासुदीला सुरूवात होणार असून त्यापूर्वी सोन्याचे भाव चांगलेच खाली आलेले पहायला मिळाले आहेत. ऑगस्टच्या पहिल्याच सोमवारी देशांतर्गत सराफा बाजारात ग्राहकांसाठी दिलासादायक चित्र पाहायला मिळाले. गेल्या काही दिवसांपासून चढ-उतार अनुभवणाऱ्या सोन्याच्या किमतीत आज पुन्हा एकदा घसरण झाली आहे. देशातील बहुतांश प्रमुख शहरांमध्ये 24 कॅरेट आणि 22 कॅरेट सोन्याचे दर कमी झाले असून, गेल्या आठवडाभरात सोन्याच्या किमतीत लक्षणीय घट नोंदवली गेली आहे. त्याचबरोबर चांदीच्या दरातही मोठी घसरण झाली असून, गुंतवणूकदार आणि ग्राहक दोघांनाही काहीसा दिलासा मिळाला आहे.
आठवडाभरात सोन्याचे दर किती घसरले?
बाजारातील आकडेवारीनुसार, गेल्या एका आठवड्यात 24 कॅरेट सोन्याच्या किमतीत प्रति 10 ग्रॅम 710 रुपयांची घट झाली आहे. तर 22 कॅरेट सोन्याचा दर 750 रुपयांनी कमी झाला आहे. सणासुदीच्या हंगामाच्या पार्श्वभूमीवर सोन्याच्या किमतीतील ही घसरण ग्राहकांसाठी सकारात्मक मानली जात आहे. देशांतर्गत बाजारात सोन्याचे दर कमी झाले असले तरी आंतरराष्ट्रीय बाजारात सोन्याच्या किमतीत वाढ झाली आहे. रॉयटर्सच्या वृत्तानुसार, स्पॉट गोल्डची किंमत 4,067.06 डॉलर प्रति औंस इतकी झाली आहे.
प्रमुख शहरांतील आजचे सोन्याचे दर
राजधानी दिल्लीमध्ये 24 कॅरेट सोन्याचा दर 1,44,360 रुपये प्रति 10 ग्रॅम असून, 22 कॅरेट सोन्याची किंमत 1,32,240 रुपये प्रति 10 ग्रॅम आहे. तर मुंबई आणि कोलकाता येथे 24 कॅरेट सोन्याची किंमत 1,44,210 रुपये प्रति 10 ग्रॅम असून, 22 कॅरेट सोन्याचा दर 1,32,190 रुपये प्रति 10 ग्रॅम आहे.
चेन्नईमध्ये 24 कॅरेट सोन्याचा दर सर्वाधिक असून 10 ग्रॅमची किंत 1,44,600 रुपये आणि 22 कॅरेट सोन्याच्या 1 तोळ्याची किंमत 1,32,550 रुपये इतकी आहे. पुणे आणि बंगळुरू या शहरांमध्येही 24 कॅरेट सोनं 1,44,210 रुपये प्रति 10 ग्रॅम, तर 22 कॅरेट सोनं 1,32,190 रुपये प्रति 10 ग्रॅम या दराने विकले जात आहे.
| शहर | 22 कॅरेट सोन्याचे आजचे दर (₹) | 24 कॅरेट सोन्याचे आजचे दर (₹) |
| दिल्ली | 132240 | 144360 |
| मुंबई | 132190 | 144210 |
| अहमदाबाद | 132240 | 144260 |
| चेन्नई | 132550 | 144600 |
| कोलकाता | 132190 | 144210 |
| हैदराबाद | 132190 | 144210 |
| जयपुर | 132240 | 144360 |
| भोपाळ | 132240 | 144260 |
| लखनऊ | 132240 | 144360 |
| चंदीगड | 132240 | 144360 |
चांदीतही मोठी घसरण
सोन्याप्रमाणेच चांदीच्या किमतीतही घसरण झाली आहे. आज सकाळी देशांतर्गत बाजारात चांदीचा दर 2,34,900 रुपये प्रति किलो इतका नोंदवला गेला. गेल्या एका आठवड्यात चांदीच्या दरात 5,000 रुपयांची घट झाली असून, ही घसरण गुंतवणूकदारांसाठी आणि मोठ्या प्रमाणात चांदी खरेदी करणाऱ्यांसाठी महत्त्वाची मानली जात आहे.
सणासुदीचा आणि लग्नसराईचा हंगाम जवळ येत असताना देशांतर्गत बाजारात सोन्या-चांदीच्या किमतीत झालेली घसरण ग्राहकांसाठी दिलासादायक ठरत आहे. आगामी काळात जागतिक आर्थिक घडामोडी, अमेरिकेचे व्याजदर, डॉलरची स्थिती आणि भू-राजकीय परिस्थिती यांचा सोन्या-चांदीच्या किमतींवर मोठा परिणाम होण्याची शक्यता तज्ज्ञांनी व्यक्त केली आहे.
