Gold Silver Rate Today 12 July 2024 : तीन दिवसांच्या विश्रांतीनंतर सोने-चांदीची उसळी, आता काय आहेत भाव तरी?
Gold Silver Rate Today 12 July 2024 : तीन दिवसांच्या उसळीनंतर सोने आणि चांदीत उसळी आली आहे. मौल्यवान धातूंचे भाव वधारले आहेत. सोमवारनंतर दोन्ही धातूंमध्ये घसरणीचे सत्र दिसले. पहिल्या आठवड्यात इतकी या धातूंना घौडदौड करता आली नाही.
आठवड्याच्या अखेरच्या सत्रात घौडदौड करण्याचा गेल्या दोन महिन्यातील ट्रेंड अजूनही कायम आहे. सोने आणि चांदीत तीन दिवसांच्या घसरणीनंतर उसळी आली आहे. चांदीने गेल्या आठवड्यात मुसंडी मारली होती. तर सोन्याने पण मोठा पल्ला गाठला होता. या आठवड्याची सुरुवात चांगली झाली. पण नंतर दोन्ही धातूत घसरण दिसली. आता आठवड्याच्या अखेरच्या सत्रात किती किंमती वाढतात, याकडे ग्राहकांचे लक्ष लागले आहे. दरवाढीनंतर अशा आहेत किंमती...(Gold Silver Price Today 12 July 2024 )
सोने वधारले
या महिन्याच्या पहिल्या आठवड्यात सोने 1500 रुपयांनी वधारले होते. 8 जुलै रोजी 220 तर 9 जुलै रोजी सोने 380 रुपयांनी घसरले. त्यानंतर किंमतीत बदल झाला नाही. तर 11 जुलै रोजी सोने 220 रुपयांनी वधारले. आज सकाळी पण दरवाढीचे संकेत दिसत आहेत. गुडरिटर्न्सनुसार, आता 22 कॅरेट सोने 67,450 रुपये प्रति 10 ग्रॅम तर 24 कॅरेट सोन्याचा भाव 73,357 रुपये प्रति 10 ग्रॅम आहे.
चांदीने मारली मुसंडी
जुलै महिन्यात चांदीने जोरदार मुसंडी मारली. पहिल्या आठवड्यात 5,000 रुपयांची भरारी घेतल्यानंतर या आठवड्यात चांदीत चढउताराचे सत्र आहे. 8 जुलै रोजी चांदी 200 रुपयांनी वधारली आणि 9 जुलै रोजी 500 रुपयांनी भाव उतरले. त्यानंतर 11 जुलै रोजी चांदीने 1 हजारांची मुसंडी मारली. आज सकाळी दरवाढीचा अंदाज आहे. गुडरिटर्न्सनुसार, एक किलो चांदीचा भाव 95,500 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), सोने उतरले तर चांदीची भरारी दिसली. 24 कॅरेट सोने 72,563 रुपये, 23 कॅरेट 72,273 रुपये, 22 कॅरेट सोने 66,468 रुपये झाले. 18 कॅरेट 54,422 रुपये, 14 कॅरेट सोने 42,449 रुपये प्रति 10 ग्रॅमवर पोहचले. एक किलो चांदीचा भाव 92,204 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते. सुट्टी असल्याने भाव अपडेट झाले नाही.
किंमती मिस्ड कॉलवर
22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.
