Post Office च्या या योजनेत दर महिन्याला केवळ 1724 रुपये गुंतवा, निवृत्तीच्या वेळी एकरकमी 31 लाख रुपये मिळणार

भारतीय पोस्ट कार्यालयाच्या (Indian Post Office) एका पेक्षा एक सरस अशा अनेक योजना आहेत.

  • टीव्ही 9 मराठी डिजीटल टीम
  • Published On - 1:00 AM, 9 Apr 2021
Post Office च्या या योजनेत दर महिन्याला केवळ 1724 रुपये गुंतवा, निवृत्तीच्या वेळी एकरकमी 31 लाख रुपये मिळणार
ग्राम सुमंगलसाठी पॉलिसीची मुदत 15 वर्षे आणि 20 वर्षे आहे. ही पॉलिसी किमान 19 व्या वर्षात खरेदी केली जाऊ शकते. वयाच्या 40 व्या वर्षांपर्यंत गुंतवणुकीद्वारे पॉलिसी खरेदी केली जाऊ शकते. आपण वयाच्या 40 व्या वर्षात प्रवेश घेत असल्यास पॉलिसीची मुदत 20 वर्षे असू शकते. आपण वयाच्या 45 व्या वर्षी प्रवेश घेतल्यास पॉलिसीची कमाल मुदत 15 वर्षे असेल.

नवी दिल्ली : भारतीय पोस्ट कार्यालयाच्या (Indian Post Office) एका पेक्षा एक सरस अशा अनेक योजना आहेत. त्यापैकी अशाही काही योजना आहेत ज्या वृद्धावस्थेत निवृत्तीनंतर सामान्यांना आधार देण्याचं काम करतील. त्यापैकीच वृद्धावस्था सुरक्षित करणारी एक योजना म्हणजे ग्राम सुविधा (Convertible Whole Life Assurance (Gram Suvidha) योजना. ही योजना खास नागरिकांचं निवृत्तीनंतरचं आयुष्य लक्षात घेऊन बनवण्यात आलीय. या योजनेची पॉलिसी टर्म 60 वर्षे वयापर्यंत आहे (Good schemes of Indian Post Office to get good returns for retirement).

Grama Suvidha योजनेत गुंतवणुकीसाठी कमीतकमी वयाची अट 19 वर्षे आणि जास्तीत जास्त वयाची अट 45 वर्षे आहे. जर एखाद्याने 19 व्या वर्षीच गुंतवणूक सुरु केली तर त्याच्यासाठी प्रीमिमय टर्म 41 वर्षे आणि एखाद्याने 45 व्या वर्षी गुंतवणूक केली तर त्यांच्यासाठी प्रीमियम पेइंग टर्म 15 वर्षे असेल. या योजनेतील कमीत कमी परतावा होणारी रक्कम (सम अश्योर्ड) 10 हजार रुपये आणि जास्तीत जास्त रक्कम 10 लाख रुपये आहे. या योजनेत गुंतवणूक करणारा दर महिन्याला, तिमाहीला, सहामाईला किंवा वार्षिक पद्धतीने पैसे जमा करु शकतो.

गुंतवणूक करणाऱ्याचा मध्येच मृत्यू झाला तर पैसे वारसदाराला मिळणार

जर या योजनेत गुंतवणूक करणाऱ्याचा मध्येच मृत्यू झाला तर वारसदाराला सम अश्योर्ड रकमेशिवाय त्या वेळेपर्यंत जितका बोनस देय आहे तोही मिळतो. जर गुंतवणुकदार वयाच्या 60 वर्षांपर्यंत जीवंत राहिला तर त्याला सम अश्योर्ड रक्कम आणि बोनस दोन्ही रकमा मिळतील. या योजनेत गुंतवणूक केल्यास 4 वर्षांनंतर कर्जही काढता येतं. 3 वर्षांनंतर ही पॉलिसी सरेंडर देखील करता येते.

31 लाख रुपये कसे मिळणार?

1000 रुपयांच्या गुंतवणुकीवर वर्षाला 60 रुपये बोनस मिळतात. 10 लाख रुपयांच्या गुंतवणुकीवर वर्षाला 60 हजार रुपये मिळतात. (60/1000*1000000=60000). 35 वर्षांमध्ये बोनसची एकूण रक्कम (60000*35=2100000) 21 लाख रुपये होते. पॉलिसी मॅच्युर झाल्यावर गुंतवणुकदाराला बोनसच्या रुपात 21 लाख आणि 10 लाख सम अश्योर्ड असे एकूण 31 लाख रुपये मिळतील.

हेही वाचा :

पोस्टात 2850 रुपये जमा करा आणि 20 वर्षांनंतर मिळवा 14 लाख, नेमकी योजना काय?

Post Office सेव्हिंग खात्यासाठीही किमान शिल्लक रक्कम आवश्यक, अन्यथा 100 रुपये दंड

मोठी बातमी! आता Post Office मधून पैसे काढणं महागणार, 1 एप्रिलपासून नवा नियम लागू

व्हिडीओ पाहा :

Good schemes of Indian Post Office to get good returns for retirement