तुमचे SBI मध्ये खाते असल्यास 342 रुपये देऊन 4 लाख मिळवा, जाणून घ्या सर्वकाही

देशातील सर्वात मोठी सरकारी बँक स्टेट बँक ऑफ इंडिया (SBI) ने आपल्या ट्विटर हँडलवर या दोन योजनांबद्दल ट्विट करत माहिती दिलीय. एसबीआयने ट्विटमध्ये म्हटले आहे की, तुमच्या गरजेनुसार विमा घ्या आणि चिंतामुक्त जीवन जगा.

तुमचे SBI मध्ये खाते असल्यास 342 रुपये देऊन 4 लाख मिळवा, जाणून घ्या सर्वकाही

नवी दिल्लीः कोविड 19 मुळे लोकांना विम्याचे महत्त्व चांगले समजले आहे. आजच्या काळात विमा असणे खूप महत्त्वाचे झाले आहे. समाजातील प्रत्येक घटकासाठी विमा सुलभ करण्यासाठी मोदी सरकारने अत्यंत कमी पैशात विम्याची सुविधा उपलब्ध करून दिली आहे. मोदी सरकारच्या दोन योजना, प्रधानमंत्री सुरक्षा विमा योजना (PMSBY) आणि प्रधानमंत्री जीवन ज्योती विमा योजना (PMJJBY) मध्ये सामील होऊन 4 लाख रुपयांपर्यंतचा विमा घेतला जाऊ शकतो. यासाठी तुम्हाला हजारो नव्हे तर वर्षाला फक्त 342 रुपये भरावे लागतील.

तुमच्या गरजेनुसार विमा घ्या

देशातील सर्वात मोठी सरकारी बँक स्टेट बँक ऑफ इंडिया (SBI) ने आपल्या ट्विटर हँडलवर या दोन योजनांबद्दल ट्विट करत माहिती दिलीय. एसबीआयने ट्विटमध्ये म्हटले आहे की, तुमच्या गरजेनुसार विमा घ्या आणि चिंतामुक्त जीवन जगा. एसबीआयने सांगितले की, बचत डेबिट खातेधारकांकडून ऑटो डेबिट सुविधेद्वारे प्रीमियम कापला जाईल. व्यक्ती फक्त एका बचत बँक खात्याद्वारे योजनेत सामील होण्यास पात्र असेल.

>> प्रधानमंत्री सुरक्षा विमा योजना (PMSBY)

प्रधानमंत्री सुरक्षा विमा योजनेअंतर्गत अपघातात विमाधारकाचा मृत्यू झाल्यास किंवा पूर्णपणे अपंग झाल्यास, 2 लाख रुपयांची भरपाई उपलब्ध आहे. जर विमाधारक अंशतः किंवा कायमचे अक्षम झाला तर त्याला 1 लाख रुपयांचे संरक्षण मिळते. 18 ते 70 वयोगटातील कोणतीही व्यक्ती या योजनेंतर्गत संरक्षण घेऊ शकते. त्याचे वार्षिक प्रीमियम 12 रुपये आहे.

>> प्रधानमंत्री जीवन ज्योती विमा योजना (PMJJBY)

प्रधानमंत्री जीवन ज्योती विमा योजनेंतर्गत कोणत्याही कारणामुळे विमाधारकाच्या मृत्यूवर नामनिर्देशित व्यक्तीला 2 लाख रुपये मिळतात. या योजनेंतर्गत 18 ते 50 वयोगटातील कोणत्याही व्यक्तीला विमा मिळू शकतो. या योजनेसाठी दरवर्षी 330 रुपये प्रीमियम भरावा लागतो. या दोन्ही मुदत विमा पॉलिसी आहेत. हा विमा एका वर्षासाठी आहे. विमा संरक्षण 1 जून ते 31 मेपर्यंत आहे. योजनेत सामील होण्यासाठी बँक खाते असणे आवश्यक आहे. प्रीमियम कपातीच्या वेळी बँक खाते बंद केल्यामुळे किंवा खात्यात अपुरा शिल्लक राहिल्याने विमा देखील रद्द केला जाऊ शकतो.

संबंधित बातम्या

येत्या 3-4 वर्षांत सेन्सेक्स 1 लाखाचा टप्पा ओलांडणार, ‘या’ कंपन्यांत गुंतवणूक करा अन् व्हाल मालामाल

कोळसा मंत्रालय कोळसा ब्लॉक्स सरेंडर करण्यासाठी योजना आणणार, नेमका फायदा काय?

If you have an account in SBI, get Rs 4 lakh by paying Rs 342, know everything

Read Full Article

Click on your DTH Provider to Add TV9 MARATHI