Jio IPO: कमाईची मोठी संधी! आज उघडणार भारतातील सर्वात मोठा IPO, जाणून घ्या ए टू झेड माहिती

Jio IPO Open Today : आज 21 ऑक्टोबरपासून Jio Platforms चा IPO उघडणार आहे. जवळपास 30,213 कोटी रुपयांचा हा इश्यू भारतीय शेअर बाजाराच्या इतिहासातील सर्वात मोठा आयपीओ आहे. मुकेश अंबानी यांचा रिलायन्स समूह जवळपास 20 वर्षांनी सर्वात मोठा आयपीओ घेऊन आला आहे. या आयपीओकडे बाजाराचे आणि गुंतवणूकदारांचे बारीक लक्ष आहे. ग्रे मार्केटमध्ये या आयपीओचा प्रिमियम 22 टक्क्यांच्या घरात आहे. कंपनी या आयपीओच्या माध्यमातून 30,213 कोटी रुपये उभारण्याच्या तयारीत आहे. 23 ऑक्टोबरपर्यंत गुंतवणूकदारांना बोली लावता येणार आहे.

Jio IPO केव्हा उघडणार आणि बंद होणार

IPO 21 ऑक्टोबर रोजी, आज गुंतवणुकीसाठी खुला होणार आहे. तर शेअर्सचे अलॉटमेंट 26 ऑक्टोबर रोजी होईल. 28 ऑक्टोबर रोजी शेयर NSE आणि BSE वर सूचीबद्ध होतील.

एक शेअर कितीचा आणि कमीत कमी किती करावी लागेल गुंतवणूक?

कंपनीचा प्राईस ब्रँड 1,065 रुपये ते 1,119 रुपये प्रति शेअर असेल. एका लॉटमध्ये 12 शेअर असतील तर त्या आधारे कमीत कमी 13,428 रुपये गुंतवावे लागतील. सामान्य गुंतवणूकदार कमाल 14 लॉटसाठी बोली लावू शकतो. गुंतवणूक करू शकतो.

IPO किती मोठा?

कंपनी बाजारातून या आयपीओच्या माध्यमातून 30,213 कोटींचे भांडवल उभारण्याच्या तयारीत आहे. यापूर्वी सर्वात मोठा आयपीओ हा Hyundai Motor India चा होता. कंपनीने 2024 मध्ये जवळपास 27,870 कोटी रुपये जमा केले होते. त्यापूर्वी 2022 मध्ये LIC ने जवळपास 21,000 कोटी रुपये बाजारातून उभे केले होते. या दोन्हींपेक्षा जिओचा आयपीओ मोठा आहे. डॉलरच्या मूल्यात तुलना करता Hyundai 3.3 अब्ज डॉलरसह या भांडवल उभारणीत अग्रेसर आहे.

20 वर्षानंतर Reliance चा IPO का खास?

मुकेश अंबानी यांच्या रिलायन्स समूहाने यापूर्वी 2006 मध्ये Reliance Petroleum चा आयपीओ आणला होता. 1977 मध्ये धीरुभाई अंबानी यांनी Reliance Textile Industries बाजारात उतरवली होती. Jio बाजारात सूचीबद्ध झाल्यानंतर Reliance समूह त्यांच्या सूचीबद्ध कंपन्यांचे एकूण मूल्यांच्या आधारे देशातील सर्वात मोठा समूह ठरणार आहे. गुंतवणूकदार या आयपीओला किती प्रतिसाद देतात हे आज समोर येईल.