IPO पूर्वी पेटीएमचा मोठा निर्णय, ऑनलाईन पेमेंट व्यवसाय सहाय्यक कंपनीकडे हस्तांतरित
नवीन घटकाचे सूचक पुस्तक मूल्य 275-350 कोटी रुपयांच्या दरम्यान आहे, जे मूळ कंपनी वन 9 कम्युनिकेशन्सला 5 समान वार्षिक हप्त्यांमध्ये दिले जाणार आहे. वन 9 कम्युनिकेशन्स (ओसीएल पेटीएम) ने 31 मार्च 2021 पर्यंत 33.3 कोटी ग्राहक आणि 2.1 कोटी व्यापाऱ्यांना डिजिटल आणि पेमेंट सेवा पुरवल्या आहेत.
नवी दिल्लीः डिजिटल पेमेंट आणि वित्तीय कंपनी पेटीएम आपल्या पेमेंट एग्रीगेटर व्यवसायाला नवीन उपकंपनी पेटीएम पेमेंट्स सर्व्हिसेस लिमिटेडमध्ये विलीन करण्याचा विचार करीत आहे. कंपनीने भागधारकांकडून त्याची मंजुरी मागितलीय. यासाठी पेटीएमने शेअरधारकांना मंजुरीसाठी नोटीस पाठवली. त्यानुसार 23 सप्टेंबर रोजी भागधारकांची सर्वसाधारण सभा बोलावण्यात आली.
नवीन अस्तित्वात पेटीएमच्या ‘ऑनलाईन’ पेमेंट गेटवे व्यवसायाचा समावेश असेल. पेमेंट एग्रीगेटर्स (पीए) च्या नियमनासाठी आरबीआय मार्गदर्शक तत्त्वांमध्ये आरबीआयकडून परवाना घेतल्यानंतर त्यांच्या व्यवसायाचे नियमन करणे आणि वेगळ्या कंपनीद्वारे चालवणे आवश्यक आहे. नवीन घटकाचे सूचक पुस्तक मूल्य 275-350 कोटी रुपयांच्या दरम्यान आहे, जे मूळ कंपनी वन 9 कम्युनिकेशन्सला 5 समान वार्षिक हप्त्यांमध्ये दिले जाणार आहे. वन 9 कम्युनिकेशन्स (ओसीएल पेटीएम) ने 31 मार्च 2021 पर्यंत 33.3 कोटी ग्राहक आणि 2.1 कोटी व्यापाऱ्यांना डिजिटल आणि पेमेंट सेवा पुरवल्या आहेत.
कंपनी 16,600 कोटी रुपयांचा IPO लाँच करणार
कंपनीने 2020-21 या आर्थिक वर्षासाठी 4 लाख कोटी रुपयांपेक्षा अधिकचे एकूण व्यवसाय मूल्य नोंदवले. कंपनी ऑक्टोबरमध्ये आपला 16,600 कोटी रुपयांचा आयपीओ लॉन्च करण्याची शक्यता आहे, ज्यासाठी तिने सेबीकडे आधीच ड्राफ्ट पेपर दाखल केला.
20 हजार तरुणांना नोकऱ्या दिल्या जातील, पगार 35 हजारांपर्यंत असेल
पेटीएमने व्यापाऱ्यांना डिजिटल माध्यमाचा अवलंब करण्यासाठी शिक्षित करण्यासाठी भारतभर सुमारे 20,000 क्षेत्र विक्री अधिकारी नियुक्त करण्याची प्रक्रिया सुरू केली. फील्ड सेल्स एक्झिक्युटिव्हना मासिक वेतन आणि कमिशनमध्ये 35,000 रुपये आणि त्याहून अधिक कमावण्याची संधी असेल. कंपनीला तरुण आणि पदवीधरांना एफएसई म्हणून नियुक्त करायचे आहे.
पेटीएमचे मूल्य 16 अब्ज डॉलर
वन 97 कम्युनिकेशन्सने दाखल केलेल्या प्रस्तावित मसुद्यामध्ये पेटीएमचे मूल्य 16 अब्ज डॉलर ठेवलेय. आयपीओमधून मिळालेल्या उत्पन्नापैकी 4,300 कोटी ही कंपनी ग्राहक आणि व्यापारी यांच्या अधिग्रहणातून पर्यावरण व्यवस्था मजबूत करण्याचा प्रयत्न करेल. या व्यतिरिक्त कंपनी इतर व्यावसायिक उपक्रम आणि अधिग्रहणांवर 2,000 कोटी रुपये खर्च करेल.
किरकोळ गुंतवणूकदारांसाठी 10% राखीव असेल
पेटीएमच्या आयपीओमध्ये 75 टक्के पात्र संस्थात्मक खरेदीदारांसाठी (क्यूआयबी) राखीव आहे. यामध्ये अँकर गुंतवणूकदारांसाठी 60 टक्क्यांपर्यंत सुरक्षित ठेवता येईल. निव्वळ ऑफरचे 15% गैर-संस्थात्मक गुंतवणूकदारांना वाटप केले जाऊ शकते. किरकोळ गुंतवणूकदारांसाठी 10% आरक्षित केले जाऊ शकते.
संबंधित बातम्या
Gold Price Today: सलग चौथ्या दिवशी सोन्याचे भाव घसरले, पटापट तपासा
जगातील सर्वात मोठी ई-कॉमर्स कंपनी 50 हजारांहून अधिक नोकऱ्या देणार, जाणून घ्या
Paytm’s big decision before IPO, transferred to online payment business subsidiary
