Petrol Diesel Rate Today : पेट्रोल-डिझेल आज स्वस्त की महागलं, वाचा काय आहे तुमच्या शहरातले दर?

मुंबई : गेल्या काही दिवसांपासून पेट्रोल आणि डिझेलच्या दरात सातत्याने वाढ होत आहे. देशातील अनेक शहरात पेट्रोल-डिझेलची किंमत ही 100 रुपयांच्या पलीकडे गेली आहे. अशात देशात सर्वच ठिकाणी पेट्रोल-डिझेलच्या वाढत्या किंमतींचा ट्रेंड सुरू आहे. दररोज सकाळी 6 च्या दरम्यान तेल कंपन्यांकडून पेट्रोल आणि डिझेलचे नवे दर जारी केले जातात. Goods Return या वेबसाईटने आज पेट्रोल-डिझेलचे दर जारी केले आहेत. त्यानुसार आजही दरांमध्ये कोणताही बदल झाला नसल्याची माहिती देण्यात आली आहे. (Petrol Diesel rate today 11 march 2021 fuel rates in Mumbai pune delhi)

राज्यातील सर्वात महाग पेट्रोल कुठे?

यानुसार महाराष्ट्रातील सर्वात महाग पेट्रोल हे नांदेड शहरात पाहायला मिळत आहे. नांदेडमध्ये पेट्रोलचा दर हा 99.35 रुपये इतका आहे. त्यापाठोपाठ परभणीत 99.03 रुपये किंमतीने पेट्रोलची विक्री होत आहे. महाराष्ट्रातही अनेक शहरात पेट्रोल-डिझेलचे दर हे 95 रुपयांच्या पुढे आहेत. त्यामुळे सर्वसामान्यांच्या खिशावर ताण पडत आहे. अशात आज इंधनाच्या किंमतींमध्ये कोणताही बदल झाला नाही. त्याशिवाय नांदेडमध्ये डिझेलची विक्री सार्वाधिक दराने होत आहे. नांदेड शहरात डिझेलचा दर 88.99 रुपये इतका आहे.

महाराष्ट्रातील काही शहरांमधील पेट्रोल-डिझेलचे दर 

(Petrol Diesel rate today 11 march 2021 fuel rates in Mumbai pune delhi)

देशातील प्रमुख शहरांमधील डिझेलचे भाव

नवी दिल्ली (Delhi Diesel Price Today) : 91.17 रुपये प्रतिलिटर

मुंबई (Mumbai Diesel Price Today) : 97.57 रुपये प्रतिलिटर

कोलकाता (Kolkata Diesel Price Today) : 91.35 रुपये प्रतिलिटर

चेन्नई (Chennai Diesel Price Today) :  93.11 रुपये प्रतिलिटर

नोएडा (Noida Diesel Price Today) : 89.23 रुपये प्रतिलिटर

दररोज 6 वाजता किमती बदलतात

दररोज सकाळी 6 वाजता पेट्रोल आणि डिझेलच्या किमती बदलतात. नवीन दर सकाळी 6 वाजल्यापासून लागू होत असतात. पेट्रोल डिझेलच्या किमतीत उत्पादन शुल्क, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते. परदेशी विनिमय दरासह आंतरराष्ट्रीय बाजारात क्रूडचे दर काय आहेत, यावर पेट्रोल आणि डिझेलचे दर दररोज बदलत असतात.

पेट्रोल डिझेलचे दर अशा प्रकारे तपासा

एसएमएसद्वारे आपण पेट्रोल डिझेलची किंमत शोधू शकता. दररोज सकाळी 6 वाजता पेट्रोल डिझेलचे दर अद्ययावत केले जातात. इंडियन ऑईलच्या वेबसाइटनुसार, आपल्याला आरएसपीसह आपला शहर कोड टाइप करावा लागेल आणि 9224992249 या क्रमांकावर एसएमएस पाठवावा लागेल. प्रत्येक शहराचा कोड वेगळा आहे. आपण हे आयओसीएल वेबसाईटवरून पाहू शकता.

त्याच वेळी, आपल्या शहरातील पेट्रोल डिझेलची किंमत आपण बीपीसीएल ग्राहक RSP 9223112222 आणि एचपीसीएल ग्राहक यांना 9222201122 संदेश पाठवून जाणून घेऊ शकता. (Petrol Diesel rate today 11 march 2021 fuel rates in Mumbai pune delhi)

संबंधित बातम्या : 

“मरणाऱ्याची शेवटची इच्छा पूर्ण करतात, कृषी कायदे मागे घ्या”, दिल्लीत आणखी एका शेतकऱ्याची आत्महत्या

मध्यप्रदेशात यूकेचा कोरोना, दिल्लीमध्ये रिकव्हरी रेट घटला; महाराष्ट्राची स्थिती काय?, जाणून घ्या कोरोना अपडेट