Multibagger Share | 71 पैशांचा स्टॉक आता 35 रुपयांवर, अशी झाली कमाई
Multibagger Share | शेअर बाजारात या स्टॉकने धमाका केला आहे. या पेनी स्टॉकची भरारी दिग्गज कंपन्यांना थक्क करणारी आहे. गेल्या तीन-साडेतीन वर्षात कंपनीचा वारु उधळला आहे. या कंपनीमुळे गुंतवणूकदारांना सणासुदीत लॉटरी लागली आहे. आता ही कंपनी गुंतवणूकदारांना 4 बोनस शेअरचे गिफ्ट देणार आहे.
नवी दिल्ली | 21 ऑक्टोबर 2023 : शेअर बाजाराने सलग तीन दिवस आपटी खाल्ल्याने गुंतवणूकदारांना मोठा फटका बसला. पण काही कंपन्यांनी अशा ही काळात गुंतवणूकदारांचे वाटोळे केले नाही तर त्यांचा खिसा भरला. त्यांना तगडा रिटर्न दिला. ही कमाल मोठ्या शेअर्सनी नाही तर पेनी शेअरने केली आहे. गेल्या तीन वर्षांत ज्यांनी हा शेअर खरेदी केला, त्यांच्या हाती जणू परीस लागला आहे. त्यांना कोणत्याच योजनेत इतका फायदा झाला नसता इतकी कमाई या एकट्या शेअरने त्यांना करुन दिली. हा शेअर तीन वर्षांत 4900 टक्के चढला आहे.
71 पैशांवरुन 35 रुपयांवर उडी
या कंपनीच्या स्टॉकने तीनच वर्षांत मोठी घौडदौड केली आहे. हा शेअर गेल्या तीन-साडेतीन वर्षांत पायाला भिंगरी लावून सूसाट पळाला आहे. त्याने गुंतवणूकदारांना तुफान कमाई करुन दिली. तीन वर्षांपूर्वी हा शेअर अवघ्या 71 पैशांवर होता. त्याने मागे वळून पाहिलेच नाही. हा शेअर 35 रुपयांवर पोहचला आहे. त्याने या दरम्यान 4900 टक्क्यांचा परतावा दिला आहे. या शेअरचा 52 आठवड्यातील उच्चांकी कामगिरी 46.10 रुपये आहे तर 52 आठवड्यातील निच्चांकी कामगिरी 24.39 रुपये आहे.
1 लाखांचे झाले 50 लाखांहून जादा
हा शेअर 27 मार्च 2020 रोजी 71 पैशांवर होता. कंपनीचा शेअर 20 ऑक्टोबर 2023 रोजी 36.02 रुपयांवर होता. या कंपनीच्या शेअरने गेल्या साडेतीन वर्षांत 4973 टक्क्यांचा परतावा दिला आहे. या कंपनीत तीन वर्षांपूर्वी एखाद्याने 1 लाख रुपये गुंतवले असते तर या गुंतवणूकीचे मूल्य सध्या 50.73 लाख रुपये झाले असते. पण हा फायदा एवढ्यातच संपला असे नाही.
4 बोनस शेअरचे गिफ्ट
रामा स्टील ट्यूब्स (Rama Steel Tubes) असं या कंपनीचे नाव आहे. या कंपनीने जानेवारी 2023 मध्ये 4:1 या प्रमाणात बोनस शेअर दिला होता. या मल्टिबॅगर कंपनीने प्रत्येक 1 शेअरवर 4 बोनस शेअर दिले होते. यापूर्वी कंपनीने मार्च 2016 मध्ये 4:1 अशा प्रमाणात बोनस शेअर दिला होता. कंपनीने ऑगस्ट 2022 मध्ये 5:1 या प्रमाणात स्टॉक स्प्लिट केला होता. कंपनीचे मार्केट कॅप जवळपास 1777 कोटी रुपये आहे. या स्मॉलकॅप कंपनीत प्रमोटर्सचा वाटा 57.14 टक्के इतका आहे.
सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल.
