पोलीस कर्मचाऱ्याच्या मुलाचा मृत्यू, मॉलमध्ये चिटपाखरूही नसताना मृतदेह आढळल्याने खळबळ

नागपूर : सीताबर्डी परिसरातील फॉरच्यून मॉलच्या पार्किंगमध्ये एका तरुणाचा मृतदेह आढळल्यामुळे नागपूरमध्ये खळबळ उडाली आहे. सध्या शहरात लॉकडाऊन सुरु असल्यामुळे नागरिकांची येथे कुठलीही वर्दळ नाही. मात्र असे असूनसुद्धा मॉलच्या पार्किंमध्ये युवकाचा मृतदेह आढळल्याने अनेक तर्कवितर्क लावले जात आहेत. प्राथमिक माहितीनुसार हा मृतदेह एका पोलीस कर्मचाऱ्याच्या मुलाचा असून त्याचे नाव अभिषेक बघेल असे आहे. (dead body of police officer son has been found in mall of Nagpur police investigating the matter)

मॉलच्या पार्किंमध्ये आढळला मृतदेह

मिळालेल्या प्राथमिक माहितीनुसार नागपूरमध्ये सीताबर्डी परिसरात एक फॉरच्यून नावाचा मॉल आहे. सध्या शहरात लॉकडाऊन असल्यामुळे हा परिसर सामसूम आहे. दरम्यान, याच मॉलच्या पार्किंमध्ये एका युवकाचा मृतदेह आढळलाय. हा मृतदेह एका पोलीस कर्मचाऱ्याच्या मुलाचा असून त्याचे नाव अभिषेक बघेल असल्याचे सांगितले जात आहे. लॉकडाऊन असल्यामुळे या भागात कुठलीही वर्दळ नाही. मात्र, तरीही मॉलच्या पार्किंगमध्ये तरुणाचा मृतदेह आढळल्यामुळे या परिसरात खळबळ उडाली आहे.

मृत्यूचे कारण अद्याप अस्पष्ट

अभिषेक बघेल या युवकाचे वय जास्त नसल्यामुळे त्याचा मृत्यू नेमका कशामुळे झाला असावा, याचे अनेक कयास लावले जात आहेत. मॉलच्या पार्किंमध्ये एवढ्या आतमध्ये मृतदेह आढळल्यामुळे अनेक तर्कवितर्क लावले जात आहेत. पोलीस या प्रकरणाचा तपास करत असून अजूनतरी या युवकाच्या मृत्यू नेमका कशामुळे झाला असावा हे समजू शकलेल नाही.

दरम्यान, भंडारा जिल्ह्यात भंडारा-पवनी मार्गावरील दवडीपार येथील दर्गा परिसराच्या मागे असलेल्या कालव्यात काल (19 मार्च) सकाळी एका व्यक्तीचा मृतदेह आढळून आला होता. यामुळे परिसरात मोठी खळबळ उडाली होती. घटनेची माहिती मिळताच कारधा पोलीस घटनास्थळी पोहोचले होते. त्यांनी परिसराचा पंचनामा करीत मृतदेह ताब्यात घेतला होता. यावेळी मृतदेह आढळून आलेल्या ठिकाणी रक्त सांडलेले आढळले होते. त्यामुळे या व्यक्तीची हत्या झाली असावी असा संशय व्यक्त केला जातोय.

जीन्सप्रकरण भोवले, अखेर मुख्यमंत्री रावत यांची माफी; म्हणाले…https://t.co/pavmYTy4y9#TirathSinghRawat | #bjp | #Uttarakhand | #Congress

— TV9 Marathi (@TV9Marathi) March 19, 2021

इतर बातमी :

भाडेकरु ठेवताना काळजी घ्या, सोन्याच्या दागिन्यांसाठी घरमालकिणीचा गळा चिरला

शिवसेना उपतालुका प्रमुखाचा प्रेयसीच्या घरात गळफास, कुटुंबाला हत्येचा संशय

उसने पैसे दिले, स्वत:चे पैसे परत मागतानाही कुचंबणा, मित्राकडून घात, गळा आवळून जंगलात फेकलं!

(dead body of police officer son has been found in mall of Nagpur police investigating the matter)