आईच्या प्रियकराची निर्घृण हत्या, मुंबईतील धारावी हादरली

मुंबई : मुंबईतील धारावी परिसरात मुलाने आपल्या आईच्या प्रियकराची हत्या केल्याची धक्कादायक घटना उघडकीस आली आहे. दिपक खटरमोल असे या आरोपीचे नाव आहे. आपल्या आईचे एका परपुरुषासोबत अनैतिक संबंध असल्याचा दिपकला संशय होता. या संशयावरुन त्याने ही हत्या केल्याची घटना उघड झाली आहे. (Dharavi mother lover Murdered By Son)

पोलिसांनी दिलेल्या माहितीनुसार, धारावी परिसरात राहणारा आरोपी दिपक खटरमोल हा सायन हॉस्पिटलमध्ये शवविच्छेदन विभागामध्ये कार्यरत आहे. त्याला त्याच्या आईचे सचिन कुंचीकुर्वे नावाच्या पुरुषासोबत अनैतिक संबंध असल्याचा संशय होता. रविवारी (27 डिसेंबर) दिपक रात्री उशिरा कामावरुन घरी आला. त्यावेळी सचिन असल्याचे त्याला दिसलं.

यानंतर त्या दोघांमध्ये वादावादी झाली. हा वाद इतका विकोपाला गेला की दिपकने रुग्णालयातून आणलेल्या सर्जिकल ब्लेडने सचिनचा गळा चिरला. या घटनेनंतर आरोपी दीपक आणि त्याची आई या दोघांनी घटनास्थळावरुन पळ काढला. त्यानंतर ते दोघेही मुंब्र्यात जाऊन लपले.

मात्र धारावी पोलिसांनी कसोशीने तपास केला. त्यानंतर अवघ्या काही तासातच आरोपीच्या मुसक्या आवळल्या. या घटनेच्या दिवशी आरोपीची आई आणि मृत सचिन यांच्यात वाद झाल्याची माहिती पोलिसांनी दिली आहे. (Dharavi mother lover Murdered By Son)

संबंधित बातम्या : 

विवाहबाह्य संबंधाला मुलाचा अडथळा, प्रियकराच्या मदतीने आईनेच काटा काढला

पाच घटनांनी महाराष्ट्र हादरला, कुठे हत्या, कुठे आत्महत्या, बघा तुमच्या शहरात काय घडतंय?