महिला रुग्णावर शारीरिक अत्याचार, अश्लील फोटो काढून तोतया डॉक्टर पसार

तोतया डॉक्टरने उपचारासाठी आलेल्या तरुणीवर शारीरिक अत्याचार केल्याचा आरोप केला जात आहे. त्याने तरुणीचे अश्लील फोटो देखील काढून ठेवले होते. माझ्याशी संबंध ठेव, अन्यथा तुझे अश्लील फोटो व्हायरल करेन, अशी धमकी हा डॉक्टर सातत्याने तरुणीला देत होता.

रुग्ण तरुणीवर शारीरिक अत्याचार, बोगस डॉक्टर पसार

Reporter Rajiv Giri | Edited By: Anish Bendre | Updated on: Dec 20, 2021 | 8:41 AM

नांदेड : एका तोतया डॉक्टरने उपचारासाठी आलेल्या तरुणीवर शारीरिक अत्याचार केल्याचा प्रकार नांदेडमध्ये उघडकीस आला आहे. गुंगीचे औषध देऊन डॉक्टरने तरुणीवर अत्याचार केल्याचा आरोप आहे. त्याशिवाय पीडितेचे अश्लील फोटो काढून व्हायरल करण्याची धमकीही तो तिला देत होता.

काय आहे प्रकरण?

तोतया डॉक्टरने उपचारासाठी आलेल्या तरुणीवर शारीरिक अत्याचार केल्याचा आरोप केला जात आहे. त्याने तरुणीचे अश्लील फोटो देखील काढून ठेवले होते. माझ्याशी संबंध ठेव, अन्यथा तुझे अश्लील फोटो व्हायरल करेन, अशी धमकी हा डॉक्टर सातत्याने तरुणीला देत होता.

तोतया बंगाली डॉक्टरचा पोबारा

या प्रकरणी तरुणीच्या तक्रारीवरुन इस्लापूर पोलीस ठाण्यात गुन्हा नोंद करण्यात आला आहे. मात्र तोतया बंगाली डॉक्टरला गुन्हा दाखल होण्याची कुणकुण लागताच त्याने पोबारा केला.

छत्तीसगडच्या बोगस डॉक्टरची दुकानदारी

नांदेड जिल्ह्यात आदिवासी बहुल असलेल्या किनवट तालुक्यातील शिवनी गावातील ही धक्कादायक घटना आहे. या घटनेतील आरोपी डॉक्टर नेवाकुमार मंडल हा छत्तीसगड राज्यातील रहिवासी असून त्याने बोगस डॉक्टरी करण्याचा आपला धंदा करत असताना हे कृत्य केलं आहे.