Sanjay Biyani | बिल्डर संजय बियाणींचे पार्थिव पाहताच पत्नीचा टाहो, हत्येबाबत मोठा आरोप

नांदेडमधील सुप्रसिद्ध बिल्डर संजय बियाणी यांची घरासमोरच चार गोळ्या झाडून हत्या करण्यात आली. मंगळवारी सकाळी अकरा वाजता बियाणी नांदेड शहरातील शारदानगर येथील  घराबाहेर निघताना त्यांच्यावर गोळीबार झाला होता.

Sanjay Biyani | बिल्डर संजय बियाणींचे पार्थिव पाहताच पत्नीचा टाहो, हत्येबाबत मोठा आरोप
संजय बियाणी यांची गोळ्या झाडून हत्या
Follow us
| Updated on: Apr 06, 2022 | 11:14 AM

नांदेड : प्रसिद्ध बांधकाम व्यावसायिक संजय बियाणी (Sanjay Biyani) यांच्या हत्येनंतर त्यांच्या पत्नीने न्याय देण्याच्या मागणीसाठी टाहो फोडला आहे. बियाणी यांचे पार्थिव अंत्यदर्शनासाठी त्यांच्या नांदेडमधील घरी ठेवण्यात आलं होतं. त्यावेळी कुटुंबीय आणि नातेवाईकांनी पोलिसांच्या विरोधात घोषणाबाजी करत संताप व्यक्त केला. मंगळवारी सकाळी चार गोळ्या झाडून बियाणींची हत्या करण्यात आली होती. संजय बियाणी यांच्या मारेकऱ्यांना तात्काळ अटक करा, अशी मागणी कुटुंबासह त्यांच्या मित्र मंडळींनी केली आहे. संजय बियाणी यांच्या पत्नीने आपल्या पतीची सुपारी देऊन हत्या झाल्याचा आरोप केला आहे. गुन्हेगारांना अटक करा अन्यथा आंदोलन करण्याचा इशारा त्यांनी दिला.

काय आहे प्रकरण?

नांदेडमधील सुप्रसिद्ध बिल्डर संजय बियाणी यांची घरासमोरच चार गोळ्या झाडून हत्या करण्यात आली. मंगळवारी सकाळी अकरा वाजता बियाणी नांदेड शहरातील शारदानगर येथील  घराबाहेर निघताना त्यांच्यावर गोळीबार झाला होता. दुचाकीवर आलेल्या आरोपींनी त्यांच्यावर चार गोळ्या झाडल्या होत्या.  गोळीबारात बियाणी आणि त्यांचा चालक गंभीर जखमी झाले होते. त्यांच्यावर नांदेडच्या एका खाजगी रुग्णालयात उपचार सुरु होते, मात्र उपचार सुरु असतानाच संजय बियाणी यांनी अखेरचा श्वास घेतला.

हल्ल्याची दृश्यं सीसीटीव्हीत कैद

संजय बियाणींवरील गोळीबाराचे सीसीटीव्ही फूटेज समोर आले आहे. गाडीतून बाहेर पडलेल्या बियाणींवर दोघा जणांनी गोळीबार केल्याचं सीसीटीव्हीत कैद झालं आहे. बियाणी यांच्यावरील गोळीबाराचं नेमकं कारण अद्याप स्पष्ट झालेलं नाही. त्यांच्यावर कोणी हल्ला केला, हेही अजून समजलेलं नाही. संजय बियाणींच्या हल्लेखोरांचा पोलिसांनी शोध सुरु केला आहे.

कोण होते संजय बियाणी?

नांदेडच्या नायगांव तालुक्यातील कोलंबी गावातील रहिवाशी असलेले संजय बियाणी यांनी सुरुवातीला केबल व्यवसायातून उद्योगाला सुरुवात केली. त्यानंतर त्यांनी रिअल इस्टेटमध्ये पाऊल ठेवलं. नांदेडकरांना कमी किमतीत फ्लॅट देणारे बिल्डर म्हणून त्यांची ओळख निर्माण झाली होती. साधारणतः पंधरा वर्षांपासून ते या व्यवसायात होते. गेल्या आठवड्यातच त्यांनी आपल्या समाजातील 73 कुटुंबाना स्वस्तात घरे दिल्याने ते चांगलेच चर्चेत आले होते.

खंडणीसाठी हत्येचा संशय

संजय बियाणी हे नांदेडमधले बडे प्रस्थ असून खंडणीची वसुली किंवा व्यावसायिक स्पर्धेतून हा गोळीबार झाल्याचा प्राथमिक अंदाज व्यक्त केला जात आहे. संजय बियाणी यांना त्यांच्या बांधकाम व्यवसायातून बऱ्यापैकी उत्पन्न मिळू लागल्याने खंडणी बहाद्दर गुंडाच्या नजरा त्यांच्याकडे वळल्या.

संजय बियाणी यांना तीन वर्षांपूर्वी कुख्यात गुंड रिंदा याने खंडणी वसुलीसाठी धमकी दिली होती. तेव्हापासून संजय बियाणी यांना सुरक्षा देण्यात आली होती. मात्र तीन महिन्यांपूर्वीच 15 जणांची सुरक्षा काढण्यात आली होती, त्यात संजय बियाणी यांचा समावेश होता.

पाहा गोळीबाराचा सीसीटीव्ही व्हिडीओ :

संबंधित बातम्या :

Sanjay Biyani Firing CCTV | बिल्डर संजय बियाणींची हत्या, गोळीबाराचं सीसीटीव्ही फूटेज समोर

दिवसाढवळ्या गोळ्या झाडून हत्या करण्यात आलेले बिल्डर संजय बियाणी कोण आहेत?

Non Stop LIVE Update
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.