VIDEO : नेमकं असं काय घडलं ज्यामुळे पतीने स्वत:च्या गर्भवती पत्नीवर गोळ्या झाडल्या? थरार सीसीटीव्हीत कैद

दिल्लीच्या निजामुद्दीन (Nizamuddin) परिसरात मंगळवारी (27 एप्रिल) सकाळी दहा वाजेच्या सुमारास एक धक्कादायक घटना घडली (Man firring on his pregnant wife in Delhi nizamuddin).

VIDEO : नेमकं असं काय घडलं ज्यामुळे पतीने स्वत:च्या गर्भवती पत्नीवर गोळ्या झाडल्या? थरार सीसीटीव्हीत कैद
पतीने स्वत:च्या गर्भवती पत्नीवर गोळ्या झाडल्या
Follow us
| Updated on: Apr 28, 2021 | 4:10 PM

नवी दिल्ली : दिल्लीच्या निजामुद्दीन (Nizamuddin) परिसरात मंगळवारी (27 एप्रिल) सकाळी दहा वाजेच्या सुमारास एक धक्कादायक घटना घडली. एका नराधमाने स्वत:च्या गर्भवती पत्नीवर गोळ्या झाडल्या. यावेळी त्याला अडवण्यासाठी पुढे आलेल्या एका युवकालाही त्याने गोळी मारली. या हल्ल्यात आरोपीच्या पत्नीचा जागीच मृत्यू झाला तर तिला वाचवण्यासाठी पुढे आलेला तरुण गंभीर जखमी झाला. विशेष म्हणजे पत्नीला मारुन तो कुठेही पळाला नाही. घटनास्थळी पोलीस दाखल होताच त्याने स्वत:ला पोलिसांच्या स्वाधीन केलं (Man firring on his pregnant wife in Delhi nizamuddin).

पत्नी दोन दिवसांपूर्वीच जेलमधून आलेली

पोलिसांनी दिलेल्या माहितीनुसार, मृतक महिलेचं नाव शायना असं होतं. ती आठ महिन्यांची गर्भवती होती. विशेष म्हणजे दोन दिवसांपूर्वीच ती तिहार जेलमधून बाहेर आली होती. ती गर्भवती असल्याने तिला जामीन मिळाला होता. शायना एनडीपीएस अॅक्ट (नार्कोटिक्स ड्रग्ज अॅण्ड सायकोट्रॉफीक सबस्टन्स अॅक्ट) अंतर्गत जेलमध्ये होती (Man firring on his pregnant wife in Delhi nizamuddin).

वर्षभरापूर्वी लग्न

शायना हिचं आरोपी वसीमसोबत एक वर्षांपूर्वी लग्न झालं होतं. मात्र, लग्नानंतर ती एनडीपीएस अॅक्ट अंतर्गत पकडली गेली. त्यामुळे तिला अटक करण्यात आली होती. ती जेलमध्ये असताना वसीम याची तिच्या बहिणीशी ओळख झाली. दोघांमध्ये मैत्री झाली. त्यांच्या मैत्रीचं रुपांतर प्रेमात बदललं. त्यानंतर ते दोघं एकत्रच राहू लागले.

पती-पत्नीमध्ये जोरदार वाद

दरम्यान, शायना दोन दिवसांपूर्वी जेलमधून सुटली. तिला भेटण्यासाठी वसीम गेला नाही. तिला तिची बहीण आणि वसीम यांच्या संबंधांविषयी देखील माहिती मिळाली. याच विषयावरुन वसीम आणि शायना यांच्यात वाद सुरु झाला. दोघांमध्ये मंगळवारी सकाळी निजामुद्दीन परिसरात वाद सुरु होता. यावेळी रागाच्या भरात वसीमने पिस्तूल बाहेर काढून शायनावर चार गोळ्या झाडल्या.

संपूर्ण थरार सीसीटीव्ही कैद

वसीमने त्याच्या शेजारी असलेल्या एका तरुणावर देखील गोळी झाडली. याशिवाय शायनाला वाचवण्यासाठी पुढे आलेल्या तरुणावरही त्याने गोळी झाडली. त्याचबरोबर जर कुणी गल्लीत दिसला तर त्याच्यावर गोळी झाडेल, अशी धमकी त्याने इतरांना दिली. हा संपूर्ण प्रकार सीसीटीव्हीत कैद झालाय.

पोलीस घटनास्थळी दाखल

या घटनेची माहिती मिळताच पोलिसांनी तातडीने घटनास्थळी धाव घेतली. यावेळी वसीमने स्वत:ला पोलिसांच्या स्वाधीन केलं. वसीमची पत्नी शायनाचा जागेवरच मृत्यू झाला. तर तरुणावर रुग्णालयात उपचार सुरु आहेत. पोलीस सध्या प्रकरणावरुन वसीमची चौकशी करत आहेत.

घटनेचा व्हिडीओ बघा : 

हेही वाचा : तांदूळ व्यापाऱ्यावर कार्यालयात गोळीबार, छातीत गोळी लागून रमेश अग्रवाल गंभीर जखमी

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.