ATM Money Theft | बनावट एटीएम कार्डच्या सहाय्याने चोरी, आंतरराज्य टोळीतील दोघे गजाआड

नागपूरमधील विविध बँकांच्या एटीएममधून बनवाट कार्डद्वारे पैसे काढणाऱ्या आतरंराज्यीय टोळीतील २ जणांना नंदनवन पोलिसांनी अटक केली आहे. (Police arrested two accused of interstate theft gang )

Yuvraj Jadhav | Updated on: Sep 24, 2020 | 10:58 PM

नागपूर: बनावट एटीएम कार्डचा वापर करत पैशांची चोरी करणाऱ्या आंतरराज्य टोळीतील 2 जणांना नंदनवन पोलिसांनी अटक केली आहे. शहादाब खान आणि असिफ खान अशी अटक केलेल्या आरोपींची नावे आहेत. दोन्ही संशयित आरोपी हरियाणा राज्यातील आहेत. पोलिसांनी आरोपींकडून 5 लाख 50 हजांरांचा मुद्देमाल जप्त केला आहे. ( Police arrested two accused of interstate theft gang )

संशयित आरोपी वेगवेगळ्या राज्यात जाऊन वेगवेगळ्या एटीएममध्ये बनावट कार्डच्या माध्यमातून पैसे काढायचे. मात्र, त्याची बँकेकडे नोंद होत नव्हती. नागपूर शहरातील एका राष्ट्रीयकृत बँकेला एटीएममधून पैसे काढले जात असल्याचे निदर्शनास आले होते. त्यानंतर बॅंकेने दिलेल्या तक्रारी वरून पोलिसांनी एटीएमवर पाळत ठेवत दोन संशयित आरोपींना अटक केली.

नागपूरमधील विविध पोलीस ठाण्यांच्या हद्दीतील एटीएममधून पैसे काढले असल्याचे आरोपींनी कबूल केल्याची माहिती पोलीस निरीक्षक संदिपान पवार यांनी दिली. संशयित आरोपींकडून डुप्लिकेट एटीएम कार्डस, मोबाईल फोन, दुचाकी जप्त केली आहे. एटीएममधून पैसे चोरी करणाऱ्या आंतरराज्य टोळीच्या प्रमुखाचा शोध सुरू आहे, असेही पोलिसांकडून सांगण्यात आले.