नाशिकच्या डॉ. मनिषा जेजुरकर यांचा मृत्यू, पतीचे विवाहबाह्य संबंध जबाबदार?, फरार पती आणि मैत्रिणीला अटक

नाशिकमधील बहुचर्चित डॉ.मनीषा जेजुरकर मृत्यू प्रकरणाला एक वेगळेच वळण मिळाले आहेत. 6 मार्च रोजी डॉ. मनीषा यांचा राहत्या घरी दोरीच्या सहाय्याने गळफास घेतलेला मृतदेह आढळून आला. मात्र, घराच्या खिडकीला गळफास घेतलेला मृतदेह आढळल्याने ही आत्महत्या आहे की घातपात या संदर्भात संशय निर्माण झाला होता. मयत मनिषा यांच्या पतीनंतर डॉ.निलेश यांची मैत्रीण जिल्हा रुग्णालयातील मानसोपचार तज्ज्ञ डॉ. स्वाती चव्हाण हिला पोलिसांनी अटक केल्याने या प्रकरणाला वेगळच वळण मिळाले आहे.पाहुयात या संदर्भातील स्पेशल रिपोर्ट…

डॉ. निलेश जेजुरकर यांना अटक केल्यानंतर पोलीस चौकशीत डॉ. स्वाती चव्हाण यांच्यासोबत प्रेमसंबंध असल्याची कबूल दिल्याने स्वाती चव्हाण यांना पोलिसांनी अटक केली आहे. याप्रकरणी पोलिसांनी तपास करत डॉ. मनीषा यांच्या माहेरच्यांकडून तिचे पती डॉक्टर निलेश जेजुरकर यांच्यावर गंभीर आरोप केले होते. निलेश जेजुरकर यांच्यावरही गुन्हा दाखल करण्यात आला होता. मात्र याप्रकरणी निलेश जेजुरकर फरार होत त्यांनी नाशिक सत्र न्यायालयापासून सुप्रीम कोर्टापर्यंत जामीनासाठी धाव घेतली आहे.हायकोर्टाने त्यांचा जामीन नामंजूर केला आणि पोलिसांना शरण जाण्याचे निर्देश दिले होते. त्यानंतर या सगळ्या प्रकरणात निलेश जेजुरकर यांना पोलिसांनी अटक केली आणि निलेश जेजुरकर यांच्या अटकेनंतर डॉक्टर स्वाती चव्हाण यांना अटक केल्याने या प्रकरणाला एक वेगळं मिळाल आहे. आता न्यायालयाने स्वाती चव्हाण याला एक दिवसांची पोलीस कोठडी दिली असून उद्यापर्यंत निलेश जेजुरकर आणि स्वाती चव्हाण या दोघांचीही चौकशी केली जाणार आहे.

मार्च महिन्यामध्ये ही घटना घडल्यानंतर या प्रकरणात डॉक्टर मनीषा जेजुरकर या खूप चर्चेत असलेल्या आत्महत्या प्रकरणात पोलिसांनी एक मोठी कारवाई केली आणि या प्रकरणी पोलिसांकडून या दोघांना अटक करत स्वाती चव्हाण यांचा मोबाईल ही जप्त केला.डॉक्टर स्वाती आणि डॉक्टर निलेश यांच्यात प्रेम संबंध असल्याचा संशय पोलिसांना होता. मात्र, या सगळ्या प्रकरणात सलग नऊ वेळा डॉक्टर स्वाती यांची पोलिसांनी चौकशी केली होती. आता पुन्हा या सगळ्या प्रकरणांमध्ये कोणताही ठोस पुरावा नसल्याचा युक्तीवाद डॉक्टर स्वाती चव्हाण यांच्या वकिलांनी केला होता.

डॉ. मनीषा जेजुरकर यांना आत्महत्येस प्रवृत्त केल्याप्रकरणी तिचे पती निलेश जेजुरकर यांना पोलिसांनी अटक केली होती आणि पोलिसांच्या चौकशीत डॉक्टर स्वाती चव्हाण यांच्यासोबत प्रेम संबंध असल्याची कबुली डॉक्टर निलेश यांनी पोलिसांना दिली. मात्र, या सगळ्या प्रकरणांमध्ये तू तुझ्या नवऱ्याला आवडत नाही, तुझं शिक्षण कमी आहे असे बोलून डॉक्टर स्वाती या डॉक्टर मनीषा जेजुरकर यांना टॉर्चर करत होत्या आणि याच छळातून त्यांनी आत्महत्या केलाचा आरोप कुटुंबाने केला आहे. दरम्यान, बहीण दुसऱ्या दिवशी साडी घेणार होती. पेशंटला वेळ दिलेली होती, ती कस काय आत्महत्या करू शकते असा सवाल डॉक्टर मनीषा जेजुरकर यांच्या बहिणीने केला आहे.

डॉक्टर निलेश यांचे डॉक्टर मनीषा यांच्यासोबत कोणत्या कारणावरून वाद होत होते. यासंदर्भात तपास केला जात आहे. तर दुसऱ्या बाजूला डॉक्टर स्वाती ही आत्महत्याच्या दरम्यान घटनास्थळावर नेमकी काय करत होती आणि तिचे डॉक्टर मनीषा यांच्याशी नेमके काय संबंध होते आणि कोणत्या कारणासाठी ती वारंवार छळ करत होती या सगळ्या कुटुंबानी केलेल्या आरोपांचा पोलीस तपासातून खुलासा होणार आहे.