Medical student missing : आता या मेडीकल कॉलेजची स्टुडंड बेपत्ता झाल्याने खळबळ, जे.जे.नंतर आता या कॉलेजची विद्यार्थीनी घरी न परतल्याने चिंता
मुंबईच्या जे.जे. मेडीकल कॉलेजची विद्यार्थीनी सदिच्छा साने बेपत्ता झाल्याचे प्रकरण चर्चेत आहे. आणखी एका मान्यताप्राप्त मेडीकल कॉलेजची विद्यार्थीनी एकॅडमिक इयरच्या पहील्याच दिवशी कॉलेजला गेली ते घरीच आली नाही...
मुंबई : एकीकडे जे.जे. ग्रँट मेडीकल ( GRANTMEDICAL ) कॉलेजची तिसऱ्या वर्षांची विद्यार्थीनी बेपत्ता झाल्याच्या प्रकरणाचा तपासाचा गुंता वाढतच असताना मुंबईच्या आणखी एका मेडीकल कॉलेजची विद्यार्थीनी ( Medical student ) नाहीसी झाल्याने खळबळ उडाली आहे. ही विद्यार्थीनी कॉलेजला गेली होती. त्यानंतर तिने आपल्या आईला लोकलमध्ये ( LOCAL ) बसताना मी घरी येत आहे असा आपल्या मोबाईलवरून कॉलही केला होता. त्यानंतरही ती घरी न परतल्याने तिचे पालक काळजीत पडले आहेत. भोईवाडा पोलीसांनी या प्रकरणाचा तपास सुरू केला आहे.
मुंबईच्या जे.जे. मेडीकल कॉलेजची विद्यार्थीनी सदिच्छा साने बेपत्ता झाल्याचे प्रकरण चर्चेत आहे, त्या प्रकरणाचा तपास करताना मुंबईच्या नावाजलेल्या क्राईम ब्रॅंचला नाकीनऊ आले आहे. त्यातच आता मुंबईच्या केईएम मेडीकल कॉलेजला शिकत असलेली एक विद्यार्थीनी मंगळवारपासूनच बेपत्ता झाली आहे.
केईएम जीएस मेडीकल कॉलेजची विद्यार्थीनी तिच्या एकॅडमिक इयरच्या पहील्याच दिवशी कॉलेजला गेली ते घरीच आली नाही. एक्युपेशनल थेरेपीची ही विद्यार्थीनीने मंगळवारी तिचा अभ्यासक्रमाचा पहील्याच दिवसाचे लेक्चर देखील अटेन्ड केल्याचे तिच्या महाविद्यालयातील सहकाऱ्याकडून पालकाना समजले आहे. तिच्या पालकांनी भोईवाडा पोलीस ठाण्यात ती हरवल्याची तक्रार देखील दाखल केली आहे. त्यानंतर पोलीसांनी कॉलेजात चौकशी देखील केली आहे. त्याचवेळी त्यांना ती कॉलेजात लेक्चरला उपस्थित होती हे पोलीसांना कळले.
भोईवाडा पोलीसांनी या प्रकरणाचा तपास सुरू केला आहे. ही विद्यार्थीनी एक्युपेशनल थेरेपीचे दुसऱ्या वर्गाचे शिक्षण घेत असून तिने कॉलेजमधून निघताना आपल्या आईला कॉल देखील केला होता. लोकल पकडल्याचे तिने आईला कळविले होते. परंतू ती त्यानंतर घरी परतली नसल्याचे भोईवाडा पोलीसांनी सांगितल्याचे टाईम्सच्या वृत्तात म्हटले आहे. एकीकडे जे.जे. मेडीकल स्टुडंट बेपत्ता झाल्यानंतर तिची लाईफगार्डने हत्या केल्याचे प्रकरण ताजे असतानाच अशा प्रकारे आपली मुलगी मंगळवारपासून घरीच न परतल्याने या मुलीच्या पालकांनी भोईवाडा पोलीस ठाण्यात धाव घेत तक्रार दाखल केली असून तपास सुरू आहे.