काँग्रेसच्या महिला पदाधिकारीने लुबाडलं, शिवसेनेच्या महिला आघाडीनं चोपलं, कल्याणमध्ये तुफान राडा
मुद्रा लोन मिळवून देते, असे आमिष दाखवून अनेक महिलांना गंडा घालणाऱ्या महिलेला शिवसेना महिला आघाडी आणि फसगत झालेल्या महिलांनी मिळून चांगला चोप दिला (Shivsena mahila aghadi beat congress women leader Shamim Bano).
कल्याण (ठाणे) : मुद्रा लोन मिळवून देते, असे आमिष दाखवून अनेक महिलांना गंडा घालणाऱ्या महिलेला शिवसेना महिला आघाडी आणि फसगत झालेल्या महिलांनी मिळून चांगला चोप दिला. त्यानंतर त्यांनी संबंधित महिलेला पोलिसांच्या स्वाधीन केलं. विशेष म्हणजे संबंधित महिला काँग्रेसची पदाधिकारी असून तिचं नाव शमीम बानो असं आहे. याप्रकरणी पोलिसांनी शमीम बानोच्या विरोधात गुन्हा दाखल करण्याची प्रक्रिया सुरु केली आहे (Shivsena mahila aghadi beat congress women leader Shamim Bano).
शमीम बानोकडून अनेकांना गंडा
कल्याणमध्ये राहणारी शमीम बानो नावाची एक महिला ही स्टॅम्प वेंडरचा काम करते. ती काँग्रेस पक्षाची पदाधिकारी सुद्धा आहे. त्यामुळे अनेक महिला तिच्या संपर्कात येतात. तिने अनेकांना विविध प्रकारे गंडा घातला आहे. विशेष म्हणजे मुद्रा लोन मिळून देण्याचे आमिष दाखवून शमीमने अनेक महिलांकडून खूप पैसे उकळले आहेत. पण अखेर तिचं दुष्कृत्य महिलांच्या लक्षात आलं आहे.
शिवसेना महिला आघाडी शमीम बानोच्या भेटीला
लोन मिळाले नाही. तसेच गुंतवलेले पैसे मिळाले नाही म्हणून फसवणूक झालेल्या महिलांनी शिवसेनेच्या महिला आघाडी पदाधिकारी आशा रसाळ यांच्याशी संपर्क साधला. त्यानंतर या महिला शिवसेना महिला आघाडीच्या कार्यकर्त्यांसोबत आज संध्याकाळी शमीम बानोला भेटण्यासाठी पोहोचल्या. सर्व महिला तिला विचारपूस करीत होत्या.
महिलांकडून शमीम बानोला चोप
दरम्यान, शमीम बानोने उलटसूलट उत्तरे देण्यास सुरुवात केली. यावेळी संतप्त महिला आणि शिवसेना महिला आघाडीने शमीमला चांगला चोप दिला. एवढेच नाही तर तिच्यासोबत असणाऱ्या तिच्या सहकाऱ्यांना देखील मारहाण करण्यात आली. महिलांनी शमीम बानो हिला पकडून महात्मा फुले पोलिसांच्या हवाली केले (Shivsena mahila aghadi beat congress women leader Shamim Bano).
शमीम बानोवर याआधीही गुन्हे दाखल
विशेष म्हणजे शमीम बानो हिच्या विरोधात यापूर्वी देखील काही गुन्हे दाखल असल्याची माहिती पोलिसांनी दिली आहे. या प्रकरणात कायदेशीर कारवाई केली जाईल, असे महात्मा फुले पोलीस ठाण्याचे वरीष्ठ पोलिस निरिक्षक नारायण बनकर यांनी सांगितले. फसवणूक झालेल्या महिलांची “त्यांचे पैसे लवकर मिळाले पाहिजेत. त्यासाठी पोलिसांनी ठोस कारवाई करावी”, अशी मागणी आहे.
हेही वाचा : माझ्यावर प्रेम अन् दुसऱ्यांकडे पाहते म्हणून महिलेची हत्या, सापर्डेतील ‘त्या’ खुनाचा उलगडा
