मुंबई : सध्या सोशल मीडियावर भाजप नेते श्रीकांत त्यागी (Shrikant Tyagi News) यांचा महिलेला शिविगाळ करताना व्हिडीओ व्हायरल झालाय. या व्हायरल व्हिडीओनंतर आता भाजप नेते श्रीकांत त्यागी (Shrikant Tyagi Video) यांच्यावर कारवाई कधी होते, याकडे सगळ्यांचं लक्ष लागलंय. अत्यंत घाणेरड्या शब्दांत महिलेसोबत शिव्या देत बाचाबाची करणाऱ्या श्रीकांत त्यागी यांचा पोलीस शोध घेत आहेत. अजूनही त्यांचा शोध लागू शकलेला नाही. मात्र पोलिसांनी आता श्रीकांत त्यागी यांच्या बायकोला ताब्यात घेतलं आहे. श्रीकांत त्यागी हे अटकेच्या भीतीने अज्ञातवासात गेले असून पोलिसांची (UP Police) पथकं त्यांच्या शोधासाठी तैनात करण्यात आली आहे. ऋषिकेश इथं श्रीकांत त्यागी यांचं शेवटचं लोकेशन ट्रेस करण्यात आलं असून पुढील तपास केला जातोय. श्रीकांत त्यागी यांच्या पत्नीची पोलिसांकडून कसून चौकशी केली जातेय. दरम्यान, याआधीही श्रीकांत त्यागी यांच्या पत्नीला पोलिसांनी शुक्रवारी ताब्यात घेतलं होतं. त्यानंतर आता पुन्हा एकदा श्रीकांत यांच्या पत्नीला सकाळी सहा वाजता राहत्या फ्लॅटमधून ताब्यात घेतलंय.
श्रीकांत त्यागी यांनी आपला फोन स्वीच ऑफ ठेवलाय. तसंच ऑनलाईन पैसे पाठवणं, खर्च करणं, असे प्रकारही थांबवलेत. त्यामुळे त्यांचं लोकेशन ट्रेस करण्यात अडचणी येत असून पोलिसांकडून काही पथकं त्यागी यांना शोधण्यासाठी तैनात करण्यात आली आहे. उत्तराखंड येथील ऋषिकेशन मध्ये श्रीकांत त्यागी यांचं लास्ट लोकेशन दिसून आलंय. त्यानंतर ते गायब आहे. नोएडामधील पोलिसांची आठ पथकं एकूण 3 राज्यात श्रीकांत त्यागी यांचा शोध घेतेय.
दरम्यान, सोमवारी श्रीकांत त्यागी यांच्या राहत्या सोसायटीमधील अवैध बांधकामावर प्रशासनाने जेसीबी फिरवला होता. शिवाय दुसरीकडे भंगेलमध्ये त्यांच्या इतर दुकानांवरही जीएसटी टीमने छापेमावरी केली. पण त्यानंतर महिलेला शिविगाळ करणारे श्रीकांत त्यागी हे फरार असून त्यांचा शोध घेतला जातोय.
श्रीकांत त्यागी हे स्वतःला राजकीय नेते असल्याचं सांगतात. ते भाजपशी संबंधित असल्याचंही सांगितलं जातं. त्यांचा एक व्हिडीओ समोर आला होता. 5 ऑगस्टला समोर आलेल्या व्हिडीओमध्ये ते एका महिलेला अर्वाच्च भाषेत शिविगाळ करताना दिसले. अवैध बांधकामावरुन जाब विचारणाऱ्या या महिलेशी अरेरावी करत बाचाबाची करणाऱ्या श्रीकांत त्यागी यांच्याविरोधात सोशल मीडियावरुन संतापाची लाट उसळली. अखेर या प्रकरणाची गंभीर दखल घेत त्यांच्या सोसायटीतील अवैध बांधकामावरही हातोडा टाकण्यात आला होता. हा सगळा प्रकार उत्तर प्रदेशच्या नोएडामधील सेक्टर 93 मध्ये असलेल्या ग्रॅन्ड ओमॅक्स सोसायटीत घडला.
Longer version of the video where BJP leader Shrikant Tyagi is seen abusing a woman.
Warning : **Abusive language** pic.twitter.com/1ahGdEjIUq— Mohammed Zubair (@zoo_bear) August 5, 2022
#shrikantTyagi video part2 pic.twitter.com/rGHVl44yvo
— Potliwalebaba (@Potliwallebaba) August 7, 2022
Action speaks louder in @myogiadityanath Govt.
Bulldozer demolishing encroached area of Shrikant Tyagi’s flat in Noida’s Omaxe Grand society.
Our MP @dr_maheshsharma ji & MLA @PankajSinghBJP ji not only stood with people of society but also ensured impartial action. pic.twitter.com/LulHxo9swA— Harsh Chaturvedi BJP (@harshcha) August 8, 2022
सध्या पोलिसांसमोर श्रीकांत त्यागी यांना पकडण्याचं आव्हान उभ ठाकलं आहे. पोलिसांकडून श्रीकांत त्यागीचा कसून शोध घेतला जातो आहे. त्याला पोलीस केव्हा ताब्यात घेतात, याकडे सगळ्यांचीच नजर लागली आहे.