धक्कादायक ! पतीनेच दोन साथीदारांसोबत मिळून पत्नीवर केला गँगरेप; कोर्टाने ठोठावली ही शिक्षा
14 डिसेंबर 2016 रोजी रात्री आठ वाजण्याच्या सुमारास पीडित महिलेचा पती दोन व्यक्तींसह घरी आला आणि धमकावून त्याने पत्नीवर सामूहिक बलात्कार घडवून आणला. या बलात्काराचा व्हिडिओही स्मार्ट फोनवरून तयार करण्यात आला होता. या घटनेत तिचा पती आरोपींचा साथीदार राहिला होता.
पलामू : झारखंडमधील सामूहिक बलात्काराच्या प्रकरणात तिथल्या जिल्हा न्यायालयाने पीडितेच्या पतीसह अन्य दोन आरोपी साथीदारांना प्रत्येकी वीस वर्षांचा तुरुंगवास आणि दंडाची शिक्षा सुनावली आहे. मनटू पोलीस स्टेशनच्या हद्दीतील राहैया गावात हे सामूहिक बलात्कार प्रकरण घडले होते. धक्कादायक म्हणजे पीडितेच्या पतीनेच दोन साथीदारांना सोबत आणून पत्नीवर सामूहिक बलात्कार केला होता. ही बाब निदर्शनास आल्यानंतर त्याची गंभीर दखल घेत जिल्हा न्यायालयाने आपला निकाल जाहीर केला.
चतुर्थ जिल्हा व सत्र न्यायाधीश सहविशेष न्यायाधीश (POCSO कायदा) केपीएन पांडे यांनी हा निकाल दिला आहे. त्यांनी आपल्या निकालात आरोपींना 20 हजार रुपयांचा दंडही ठोठावला आहे. तसेच या प्रकरणातील एका दोषी महिलेला दहा वर्षे सक्तमजुरी आणि दहा हजार रुपये दंडाची शिक्षा सुनावण्यात आली आहे. न्यायालयाने ठोठावलेला दंड न भरल्यास चारही दोषींना प्रत्येकी सहा महिने अतिरिक्त कारावास भोगावा लागणार आहे.
धक्कादायक घटनाक्रम
या निर्णयामुळे पतीने घडवून आणलेल्या गँगरेपची धक्कादायक कहाणी समोर आली आहे. पीडितेने मनटू पोलीस ठाण्यात एफआयआर दाखल केला आहे. तिने 16 डिसेंबर 2016 रोजी केलेल्या आरोपांनुसार, तिने गावातीलच एका तरुणाशी लग्न केले होते. पीडितेचा पती अफजल अन्सारी, नौशाद अन्वर आणि बबलू सिंग उर्फ विक्रम राजा यांनी सामूहिक बलात्कार केला. तसेच या अत्याचाराचा मोबाईलमध्ये व्हिडिओही बनवला. आरोपीपैकी बबलू सिंग हा पंकीचे माजी काँग्रेस आमदार देवेंद्र प्रसाद सिंह उर्फ बिट्टू सिंह यांचा सावत्र भाऊ आहे.
गॅंगरेपचा मोबाईलवर व्हिडीओही बनवला
14 डिसेंबर 2016 रोजी रात्री आठ वाजण्याच्या सुमारास पीडित महिलेचा पती दोन व्यक्तींसह घरी आला आणि धमकावून त्याने पत्नीवर सामूहिक बलात्कार घडवून आणला. या बलात्काराचा व्हिडिओही स्मार्ट फोनवरून तयार करण्यात आला होता. या घटनेत तिचा पती आरोपींचा साथीदार राहिला होता. महिलेने अत्याचाराचा प्रतिकार केला असता त्याने तिला जीवे मारण्याची धमकी दिली होती. अशा प्रकारे दहशतीखाली पत्नीला सामूहिक बलात्कार करण्यास भाग पाडल्याचे उघडकीस आले.
एफआयआरनुसार, घटनेनंतर तिन्ही आरोपी तेथून पळून गेले. पीडितेने नंतर तिच्या वडिलांना या प्रकरणाची माहिती दिली. त्यानंतर त्यांनी मनटू पोलीस ठाण्यात जाऊन तक्रार दाखल केली. या प्रकरणात न्यायालयाने आरोपींना पॉक्सो कायद्यांतर्गत दोषी ठरवून शिक्षा सुनावली आहे. चारही दोषी आधीच पलामू सेंट्रल जेलमध्ये कैद आहेत. त्यांना या निर्णयाविरोधात उच्च न्यायालयात दाद मागण्याचा पर्याय खुला आहे. (The husband gangraped his wife along with two others)
इतर बातम्या
