Accident News | ट्रॅक्टरला मोटारसायकलची मागून धडक, घटना पाहिल्यानंतर परिसर हादरला

Accident News | ट्रॅक्टरला मोटारसायकलची मागून धडक, घटना पाहिल्यानंतर परिसर हादरला

Image Credit source: twitter

नांदेड : नांदेडच्या (Nanded) भोकर (Bhokar) येथील उमरी रस्त्यावरील हाळदा येथील नवीआबादी नजीक दुचाकीने ट्रॅक्टरला (tractor) पाठीमागून जोरदार धडक दिली. या अपघातात दुचाकीवरील आजोबा व नातवाचा जागीच मृत्यू झाल्याची घटना रात्री घडलीय. ज्यावेळी हा अपघात झाला त्यावेळी तिथल्या स्थानिकांना मोठा धक्का बसला आहे.

घटना घडल्यानंतर दोघांचा मृतदेह पोलिसांनी ताब्यात घेतले. त्याचबरोबर जवळच्या शासकीय रुग्णालयात दोघांचे मृतदेह पाठवण्यात आले आहेत. अपघात कशामुळे झाला याची चौकशी सुरु असून टॅक्टर चालकावरती गुन्हा दाखल करण्यात येणार आहे.

भोकर ते उमरी रस्त्यावरील हाळदा गावानजीक उमरीकडून भोकरकडे आजोबा आणि नातू दुचाकीवरून निघाले होते. 26 बी क्यू 0750 या नंबरच्या ट्रॅक्टरला पाठीमागून धडक बसली. या धडकेत दुचाकीवरील बबलू चंद्रकांत दंतलवाड (वय २० वर्ष, रा. चिंचाळा ता. बिलोली) व रामा नरसप्पा पटपेवाड (वय ७२ , रा. पवना ता. हिमायतनगर) या दोघांचा जागीच मृत्यू झाला आहे.

घटनास्थळी पोलिस उपनिरिक्षक अनील कांबळे यांच्यासह पोलिस दाखल झाले होते. या बाबत गुन्हा दाखल करण्याची प्रक्रिया सुरु होती.