Video | पोलीस चोरामागे धावला, लोकांना वाटलं पिक्चरचं शूटिंग आहे! पण तसं नव्हतं, पाहा थरारक घटना

Viral Video : मंगळुरुतल्या नेहरु मैदान परिसरात तिघांना मोबाईल चोरला. यावेळी घटनास्थळी असलेल्या पोलीस उपनिरीक्षक वरुन अल्वा यांनी तत्काळ प्रसंगावधान दाखवल चोरांचा पाठलाग केला. चोर-पोलीस पकडापकडी सुरु झाली.

Video | पोलीस चोरामागे धावला, लोकांना वाटलं पिक्चरचं शूटिंग आहे! पण तसं नव्हतं, पाहा थरारक घटना
चोर-पोलिसाचा थरार कॅमेऱ्यात कैद
Follow us
| Updated on: Jan 14, 2022 | 5:45 PM

मंगळुरु : पोलीस चोरामागे धावतो. भर ट्रॅफिकमध्ये चोराला आडवा पाडतो आणि तुडवतो, असे सीन दहापैकी चार सिनेमात हमखास सापडतील. तशीच एक घटना समोर आली आहे. सुरुवातीला पोलीस चोरामागे धावतोय, म्हणजे एखाद्या सिनेमाचं शूटिंग सुरु असल्याचा भास लोकांना झाला. चोराला आडवा पाडल्यानंतरही लोकं दबकत दबकत पुढे आली. त्यानंतर त्यांनी सिनेमाचं शूटिंग (Movie Shooting) वगैरे काही नाही, ही खरी घटना आहे, यावर विश्वास बसायला थोडा वेळ गेला. एका मोबाईल चोराला (Mobile Theft) पकडतानाची ही घटना कॅमेऱ्यात (Mobile Camera) कैद झाली आहे. हा संपूर्ण थराराक घटनाक्रम पाहून सोशल मीडियातील लोकंही हैराण झाले आहेत. एका मोबाईल चोर पोलिसाचा चकवा देत पलायन करण्याच्या प्रयत्नात होता. पण पोलिसाच्या चपळाईपुढे चोराची धाव तोकडी पडली आणि पोलिसानं चोराला भर ट्रॅफिकमध्ये आडवा पाडत, त्याच्या मुसक्या आवळल्यात.

नेमकी कुठची घटना?

मंगळुरुतल्या नेहरु मैदान परिसरात तिघांना मोबाईल चोरला. यावेळी घटनास्थळी असलेल्या पोलीस उपनिरीक्षक वरुन अल्वा यांनी तत्काळ प्रसंगावधान दाखवल चोरांचा पाठलाग केला. चोर-पोलीस पकडापकडी सुरु झाली. यावेळी मोबाईल चोरीप्रकरणातल्या तिघांपैकी हरीष पुजारी यांच्या मागे पोलीस उपनिरीक्षक वरुन अल्वा यांनी भर ट्रॅफिकमध्ये एखाद्या सिनेमाच्या सीमलाही लाजवेल अशी झटापट करत चोराच्या मुसक्या आवळल्या आहेत.

भर रस्त्यातच अल्वा यांनी चोराला आडवं पाडलं आणि त्याच्या मानगुटावर बसून त्याला अद्दल घडवली. हा सगळा प्रकार पाहून आजूबाजूला असलेल्लाय नागरिकांनाही आधी विश्वास बसेना, की नेमकं झालंय काय? पण नंतर जिवाच्या आकांतानं चोरावर ओरडणाऱ्या पोलिसाला पाहून काही नागरीक धीर करत पुढे आले. त्यांनी चोराचे हात पकडले आणि त्यानंतर पोलिसांनं चोराच्या खिशांमधून पाकीट आणि मोबाईल हस्तगत केले. हा सगळा थरारक प्रकार एकानं आपल्या मोबाईल कॅमेऱ्यात कैद केलाय. या घटनेचा व्हिडीओ ट्वीटरवर शेअर करण्यात आला आहे. 13 जानेवारीला मंगळुरु सीटीच्या ट्वीटर अकाऊंटवरुन शेअर करण्यात आला आहे.

पाहा व्हिडीओ –

दरम्यान, जिवाजी बाजी लावत चोराला पकडणाऱ्या या पोलिसाला 10 हजार रुपयांचं बक्षिसही मंगळुरु पोलीस आयुक्तांनी जाहीर केलंय. या पोलिसाचा सत्कारही करण्यात आला असून सर्व स्तरातून या पोलिसांचं कौतुक होतंय. इंडियन एक्स्प्रेसनं दिलेल्या वृत्तानुसार अटक करण्यात आलेला तरुण हा अनेक चोऱ्यांमध्ये सहभागी असल्याचंही समोर आलंय.

पोलिसांचं कौतुक

मंगळुरुसोबत काही दिवसांपूर्वीच मुंबई पोलिसांचाही एक व्हिडीओ व्हायरल झाला होता. कुलाबा पोलिसांनी गेट वे ऑफ इंडियाजवळ समुद्रात बुडणाऱ्या एकाला वाचवतानाचा चित्तथरारक व्हिडीओही समोर आला होता.

संबंधित बातम्या :

पुणे सोलापूर महामार्गावर चोर पोलिसांमध्ये सिनेस्टाईल थरार, 60 किमी चोरांचा पाठलाग, डिझेलचोर ट्रक सोडून पळाले!

धावत्या गॅस टँकरमध्ये चालक बेशुद्ध, जिगरबाज पोलिसाने शिताफीने टँकर थांबवला, सोलापुरात थरार

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.