कामगारानेच केली मालकाची हत्या; अवघ्या पाच तासांत पोलिसांनी ठोकल्या बेड्या

नाशिक : मालकाचीच हत्या करुन गॅरेजमधून कार पळवणाऱ्या आरोपींना पोलिसांनी अवघ्या पाच तासांत बेड्या ठोकल्या आहेत. गुरुवारी ( 12 नोव्हेंबर) रात्री ही हत्या करण्यात आली होती. यावेळी संशयित आरोपी रोशन कोटकर यानेच किरकोळ वादातून आपल्या मालकाचा खून केल्याचे सांगितले जात आहे. शहरातील इंदिरानगर पोलिसांनी ही कारवाई केली. (Police arrested accused man in five hours for killing garage owner)

मिळालेल्या माहितीनुसार, वडाळा पाथर्डी रस्त्यावरील श्रीजी प्लाझा अपार्टमेंट शेजारी रामचंद्र निषाद यांचे गुरुपकृपा नावाचे गॅरेज आहे. रात्रीच्या सुमारास गॅरेजमध्ये एकटे असल्याने डाव साधत अज्ञातांनी त्यांच्यावर हल्ला केला होता. त्यांच्या डोक्यावर लोखंडी रॅडने प्रहार केल्यामुळे ते गंभीर जखमी झाले आणि त्यांचा मृत्यू झाला. यावेळी  गॅरेजमधील वर्णा कारही पळवल्याचे सांगण्यात आले होते.

हत्या झाल्याचे कळताच इंदिरानगर पोलिसांनी हत्येचा तपास सुरु केला. पोलिसांच्या डॉग स्कॉड पथकाने खुनाच्या ठिकाणाची पाहणी केली होती. प्रत्यक्ष पुरावे आणि चौकशीच्या आधारावर पोलिसांनी आपला तपास सुरु केला. कामगार कोटकर याचे निषाद यांच्यासोबत किरकोळ वाद झाल्याचेही पोलिसांना तपासातून समजले. त्यामुळे कामगार रोशन कोटकर याच्यावर पोलिसांचा संशय बळावला.

त्यानंतर पोलिसांनी रोशन कोटकर आणि त्याचा साथीदार महेश लभडे याला येवला येथून ताब्यात घेतलं. पोलिशी खाक्या दाखवताच दोघांनीही खून केल्याची कबुली दिली. दरम्यान, अधिक प्रकरणाचा अधिक तपास इंदिरानगर पोलीस करत आहेत.

संबंधित बातम्या :

रत्नागिरीत पाळीव कुत्र्याला खाऊ घालणं महागात, रॉट व्हिलर कुत्र्याच्या हल्ल्यात कामगाराचा मृत्यू

बर्फीत भेसळ, कारखान्यावर धाड, 1 लाख 19 हजारांची बर्फी जप्त

cybercrime | अ‌ॅप डाऊनलोड करण्याच्या बहाण्याने 9 लाखांना चुना

(Police arrested accused man in five hours for killing garage owner)