Engineering Admissions: JoSAA Round 2 चा निकाल आज! निकालानंतर काय करावे?
निकाल जाहीर झाल्यानंतर त्यावर प्रवेश घ्यायचा असेल तर विद्यार्थ्यांना त्यांना मिळालेली जागा फिक्स करावी लागणार आहे
सगळ्या विद्यार्थ्यांना JoSAA Round 2 च्या निकालाची प्रतीक्षा आहे. अभियांत्रिकी महाविद्यालयांमध्ये प्रवेशास इच्छुक असणाऱ्या विद्यार्थ्यांसाठी आजचा दिवस महत्त्वाचा आहे. ज्या विद्यार्थ्यांनी JoSAA समुपदेशन 2022 राऊंड 2 साठी नोंदणी केली होती, त्यांना आज, 28 सप्टेंबर रोजी आपला निकाल पाहता येणार आहे. आयआयटी, एनआयटी, ट्रिपल आयटीसह इतर केंद्रीय अनुदानित अभियांत्रिकी महाविद्यालयांमध्ये प्रवेशाच्या प्रतीक्षेत असलेल्या विद्यार्थ्यांसाठी JoSAA जागा वाटप फेरी 2 चा निकाल 2022 आज जाहीर होत आहे. JoSAA Round 2 निकाल 2022 ची लिंक josaa.nic.in अधिकृत वेबसाइटवर सक्रिय केली जाईल.
या निकालामध्ये तुम्हाला कोणत्या कॉलेजमध्ये कोणती शाखेत बीटेक किंवा बीईचे प्रवेश मिळत आहेत, हे कळेल. JoSAA Round 2 चा निकाल जॉइंट सायंकाळी 5 वाजता जाहीर केला जाणार आहे. निकाल असा कसा तपासणार?
JoSAA Round 2 चा निकाल कसा तपासायचा?
- JoSAA Round 2 निकाल पाहण्यासाठी आधी josaa.nic.in अधिकृत वेबसाईटवर जावं लागेल.
- तुम्हाला राऊंड 2 सीट अलॉटमेंट रिझल्ट लिंक मिळेल, त्यावर क्लिक करा.
- एक नवीन पेज उघडेल. तुमचा JEE Main/JEE Main advanced फॉर्म नंबर, पासवर्ड टाकून लॉगइन बटणावर क्लिक करा.
- लॉगइन करताच तुमचा JoSAA समुपदेशनाचा निकाल स्क्रीनवर दिसेल.
- हा निकाल डाऊनलोड करा आणि प्रिंट आऊट घ्या.
निकाल जाहीर झाल्यानंतर त्यावर प्रवेश घ्यायचा असेल तर विद्यार्थ्यांना त्यांना मिळालेली जागा फिक्स करावी लागणार आहे
त्यासाठी आवश्यक त्या सर्व कागदपत्रांची पडताळणी, फी भरणे किंवा अन्य प्रक्रिया पूर्ण कराव्या लागतील. जोएसएएच्या वेळापत्रकानुसार, दुसऱ्या फेरीच्या जागा वाटपाला प्रतिसाद देण्याची शेवटची तारीख 1 ऑक्टोबर 2022 आहे.
आपण थेट लिंकवरून आपला जोसा राउंड 2 निकाल 2022 देखील डाउनलोड करू शकता. यासाठी दिलेल्या लिंकवर क्लिक करा.
राऊंड 3 जागा वाटपाचा निकाल 3 ऑक्टोबर रोजी जाहीर होणार आहे. यानंतर राऊंड 4 चा निकाल 8 ऑक्टोबरला लागणार आहे.
जोएसएए राऊंड 5 चा निकाल 12 ऑक्टोबर रोजी जाहीर होईल. सहाव्या फेरीचा निकाल 16 ऑक्टोबर 2022 रोजी जाहीर होईल.