Shaina NC : स्क्रिप्ट रायटर, समुपदेशनाची गरज म्हणत… शायना एन.सी. यांचा संजय राऊतांवर पलटवार

मुंबईतील गणपती विसर्जन थाटामाटात पार पडल्यानंतर आता समुद्रकिनाऱ्यांच्या स्वच्छतेला सुरुवात झाली आहे. शिवसेनेच्या नेत्या शायना एन.सी. यांनी यात पुढाकार घेतला असून, टीव्ही ९ मराठी, मुंबई माझी लाडकी आणि जायंट वेल्फेअर फाऊंडेशन यांच्यासोबत बीच क्लीनिंग मोहीम राबवत आहेत. यावेळी त्यांनी पर्यावरणासोबतच राजकीय घडामोडींवरही भाष्य केले.

संजय राऊत यांनी गणेशोत्सवानंतर आक्रमक होत ज्ञानेश कुमार यांच्या राजीनाम्यासाठी आंदोलनाचा इशारा दिल्यावर, शायना एन.सी. यांनी त्याला जोरदार प्रत्युत्तर दिले. त्यांनी ज्ञानेश कुमार यांचे दायित्व क्लीनअप प्रोसेस आणि क्लियर वोटर लिस्टसाठी असल्याचे सांगितले, तसेच लोकशाही प्रक्रियेचे ते पालन करत असल्याचे स्पष्ट केले. राऊतांच्या सातत्याने सुरू असलेल्या टीका-टिप्पणीवर बोलताना शायना एन.सी. म्हणाल्या की, संजय राऊत हे स्क्रिप्ट रायटर असून, त्यांच्या मानसिक संतुलनावर भाष्य करायचे नाही, परंतु ठाण्यातील मेंटल हॉस्पिटलमध्ये त्यांना समुपदेशनाची नक्कीच गरज आहे. मुख्यमंत्री एकनाथ शिंदे यांची लोकप्रियता आणि जनसामान्यांसाठीचे काम हेच त्यांचे लक्ष आहे, असेही शायना एन.सी. यांनी नमूद केले.