एका माणसाचे 4 मृतदेह.. डोकं चक्रावून टाकणारा सस्पेन्स; 8 एपिसोड्सची ही सीरिज OTT वर होतेय तुफान ट्रेंड

एकाच व्यक्तीचे एक दोन नाही तर, चार मृतदेह असू शकतात? यावर तुमचा देखील विश्वास बसणार नाही… एकाच व्यक्तीचा मृतदेग वर्ष वेगवेगळे पण जागा मात्र एकच… तुम्ही देखील विचार करत असाल की, हे नक्की कसलं कोडं आहे. पण ह्याच एका कोड्यावर संपूर्ण सीरिजची कथा फिरत आहे… या चार मृतदेहांभोवतीचं रहस्य इतकं गुंतागुंतीचं होतं की, उत्कंठा आणि थरार शिगेला पोहोचतो. एवढंच नाही तर, हे सर्व फक्त आठ भागांमध्ये घडतं. ही वेब सिरीज 2023 मध्ये ओटीटीवर प्रदर्शित झाली होती. ही प्रामुख्याने एक रहस्य-थरार सीरिज आहे, जिला प्रेक्षकांनी “सर्वोत्कृष्ट” म्हणून गौरवले आहे.

रिकाम्या वेळेत, प्रवास करत असताना किंवा घरात कोणतं काम करत असताना तुम्ही ‘Bodies’ सीरिज पाहयला कधीच विसरु नका. सीरिजमध्ये रहस्य आणि रोमांच इतकं आहे की, सीरिज संपल्यानंतर देखील डोकं काही वेळासाठी सुन्न पडून जातं.. सीरिज पॉल टॉमलिन यांनी लिहिली आणि निर्मित केली असून, मार्को क्रुझपेंटनर आणि हाओलू वांग यांनी दिग्दर्शित केला आहे. ‘बॉडीज’ ही सीरिज 2014 – 15 च्या डीसी व्हर्टिगोच्या त्याच नावाच्या ग्राफिक नॉव्हेलवर आधारित आहे.

8 एपिसोड असलेल्या सीरिजची सुरुवात लंडनच्या व्हाईट चॅपल परिसरातून होते… ते एक मृतदेह आढळतो… असं देखील कळतं की, हाच मृतदेह पूर्वी देखील वेगवेगळ्या वर्षात आढळला आहे. 1890, 1941, 2023 आणि 2053 मध्ये त्याच ठिकाणी मृतदेह सापडतो. ब्रिटनच्या मेट्रोपॉलिटन पोलिसांचे गुप्तहेर यामुळे गोंधळून जातात आणि पुढे तपास सुरू होतो. गोष्टी जुळू लागतात, पण त्याचबरोबर तणाव वाढतो.

OTT वर कुठे पाहू शकता सीरिज

बॉडीस ही वेब सिरीज 2023 मध्ये नेटफ्लिक्सवर प्रदर्शित झाली. ही सिरीज पाहताना तुम्हाला सायन्स फिक्शन, अलौकिक शक्ती आणि भरपूर गूढतेचा अनुभव यईल. जरी कथा पुढे थोडी गुंतागुंतीची होऊ शकते, तरी त्यातील वळणे आणि रहस्ये समजून घेण्यासाठी तुम्हाला ती पाहत राहावे लागेल. हिलिंगहेडच्या भूमिकेत काईल सॉलरचा अभिनय अप्रतिम आहे, तर स्टीफन ग्रॅहमनेही एलियास मॅनिकच्या भूमिकेत आपली छाप सोडली आहे.