Akshay Kumar : गर्भवती महिलांच्या मदतीसाठी अक्षय कुमार मैदानात, म्हणतो काळ कठीण, आता….

मुंबई : सध्या देशभरात कोरोनानं (Corona) डोकं वर काढलं आहे. देशातील कोरोनाचं संकट अजून वाढताना दिसतंय. अशा परिस्थितीत देशातील प्रत्येक व्यक्ती शक्य ती आणि शक्य तेवढी मदत करताना दिसत आहेत. कोरोना काळात अनेकांचे हाल होत आहेत एकूणच सगळ्यांची अवस्था वाईट झाली आहे मात्र गरोदर महिला आणि लहान मुलं यांना सुद्धा कोरोनामुळे प्रचंड त्रास झाला आहे. अशात या लोकांच्या मदतीसाठी अक्षय कुमार (Akshay Kumar) पुढे आला आहे.

अभिनेता अक्षय कुमारनं केलं ट्विट  

बॉलिवूडचा मिस्टर खिलाडी नेहमी वेगवेगळ्या कारणांमुळे चर्चेत असतो. अभिनेता अक्षय कुमारनं ट्विट करत महत्त्वाची माहिती नागरिकांशी शेअर केली आहे. गरोदर महिला आणि लहान मुलांना होणाऱ्या त्रासावर त्यानं भाष्य केलं आहे. ‘कोरोना संकटामुळे महिला आणि मुलांवर मोठा परिणाम झाला आहे. यावेळी त्यांना मदत मिळायला हवी. कोणत्याही गर्भवती महिलेला वैद्यकीय मदतीची आवश्यकता असेल तर या हेल्पलाइन नंबर 9354954224 वर कॉल करा.’ अक्षयनं पुढे लिहिलं ‘ज्या मुलांना समुपदेशनाची किंवा मदतीची आवश्यकता असेल त्यांनी 18001212830 कॉल करू शकतो’

The covid crisis has taken an unbearable toll over women & children. It’s time they got help. Any pregnant woman needing medical assistance can call on the Helpline no 9354954224 of the @NCWIndia A child who needs counselling or help can call @NCPCR_ at 18001212830 @smritiirani

— Akshay Kumar (@akshaykumar) May 1, 2021

अक्षयच्या चित्रपटांची रांग!

अक्षय कुमारने नुकतेच आपल्या आगामी ‘बच्चन पांडे’ चित्रपटाचे शूटिंग पूर्ण केले आहे. त्याचा ‘सूर्यवंशी’ही रिलीजसाठी सज्ज झाला आहे. सूर्यवंशीची रिलीज डेट समोर आली आहे. हा चित्रपट 30 एप्रिल रोजी चित्रपटगृहात प्रदर्शित होणार आहे. या चित्रपटात अक्षयसोबत कॅटरिना कैफ मुख्य भूमिकेत दिसणार आहे. ज्याचे प्रमोशन अक्षय त्याच्या खास स्टाईलमध्ये करतो आहे. याशिवाय अक्षय ‘बेलबॉटम’, ‘अतरंगी रे’, ‘रक्षाबंधन’, ‘पृथ्वीराज’ आणि ‘हाऊसफुल 5’ सारख्या चित्रपटांतून आपले मनोरंजन करणार आहे.

संबंधित बातम्या

Photo : करण जोहरसोबतच्या वादानंतर कार्तिक आर्यन पहिल्यांदाच स्पॉट, पाहा कूल अंदाज

Hotness Alert : आता ‘बीए पास 3’ मध्ये अंकिता चौहानच्या हॉटनेसचा तडका, पाहा फोटो