Arijit Singh | औरंगाबादमधील लाईव्ह कॉन्सर्टदरम्यान अरिजितसोबत चाहतीने केलं असं कृत्य, भडकले नेटकरी
घडलेल्या घटनेनंतरही अरिजितने ज्याप्रकारे परिस्थिती नियंत्रणात ठेवली आणि चाहत्यांचा समजावलं, त्याचं नेटकऱ्यांकडून कौतुक होत आहे. 'अरिजित रागावला नाही. चाहतीने हात खेचल्यानंतरही तो त्यांना नीट समजावतोय', असं एकाने लिहिलंय.
औरंगाबाद : प्रसिद्ध गायक अरिजित सिंगचा व्हिडीओ सध्या सोशल मीडियावर चर्चेत आला आहे. औरंगाबादमध्ये अरिजितच्या लाईव्ह कॉन्सर्टचं आयोजन करण्यात आलं होतं. यावेळी तो स्टेजवर परफॉर्म करत असताना एका चाहतीने पटकन त्याचा हात खेचला. या घटनेनंतर अरिजितने चाहत्यांना समजावण्याचा प्रयत्न केला. त्याचा हाच व्हिडीओ सध्या सोशल मीडियावर व्हायरल होत आहे. अरिजितच्या नम्र आणि समजूतदार स्वभावाचं नेटकऱ्यांकडून कौतुक होत आहे.
सोमवारी अरिजित सिंगच्या कॉन्सर्टमधील व्हिडीओ सोशल मीडियावर व्हायरल झाले. मात्र अचानक एका मुलीने त्याचा हात खेचला. त्यावेळी अरिजितलाही आश्चर्याचा धक्का बसला. या व्हिडीओमध्ये अरिजित म्हणतो, “तुम्हाला हे समजलं पाहिजे. तुम्ही माझं ऐका, बोलू नका. तुम्ही परफॉर्मन्सची मजा घेत आहात, ते मान्य आहे. पण जर मी परफॉर्मच करू शकलो नाही तर तुम्ही त्याची मजा कशी घेणार? तुम्ही सर्वजण मोठे आणि समजूतदार आहात. माझा हात का खेचला? माझा हात अजूनही थरथर कापतोय. मी इथून जाऊ का?”
A female audience pulls Arijit’s hand during a live concert in #Aurangabad.#ArijitSingh #music #Bollywood #ArijitSinghLive pic.twitter.com/NPSiwyPnbk
— Arijit Singh Fan (@SinghfanArijit) May 8, 2023
आणखी एका चाहत्याने अरिजित सिंगच्या हाताचा फोटो शेअर केला आणि लिहिलं, ‘एक कलाकार तुमच्यासाठी तासनतास न थांबता परफॉर्म करतो. एखादा शो पार पाडण्यामागे अनेक जणांची मेहनत असते. पण चाहत्यांकडून अशी वागणूक अपेक्षित नाही. कृपया कलाकारांचा आदर करा. म्युझिकचा आनंदचा घ्या पण नम्रतेने वागा.’
We gotta understand the fact that it’s not easy to sing 3-4 hours live on stage.
He enjoys live performances more than playback singing. That’s the love he’s got for his fans and it’s totally unacceptable when a fan does this in return.
Please be civil. pic.twitter.com/YvEj6Hm3pS
— Arijit Singh Updates (@ArijitUpdates) May 7, 2023
घडलेल्या घटनेनंतरही अरिजितने ज्याप्रकारे परिस्थिती नियंत्रणात ठेवली आणि चाहत्यांचा समजावलं, त्याचं नेटकऱ्यांकडून कौतुक होत आहे. ‘अरिजित रागावला नाही. चाहतीने हात खेचल्यानंतरही तो त्यांना नीट समजावतोय’, असं एकाने लिहिलंय. तर ‘हे खूप दुर्दैवी आहे’ असं दुसऱ्याने म्हटलंय. ‘अशा चाहत्यांविरोधात कारवाई केली पाहिजे’ अशीही मागणी नेटकऱ्यांनी केली आहे.
अरिजित सिंगने बॉलिवूडमधली एकापेक्षा एक दमदार गाणी गायली आहेत. केसरिया, अपना बना ले, झुमे जो पठाण यांसारखी त्याची आताची गाणी लोकप्रिय आहेत. गेल्या काही दिवसांपासून त्याचे देशभरात शोज सुरू आहेत. दिल्ली, अहमदाबाद आणि कोलकाता याठिकाणी त्याने आतापर्यंत परफॉर्म केलं आहे.
