Amitabh Bachchan : KBC च्या मंचावर अमिताभ बच्चन यांनी सांगितली मनातील भन्नाट इच्छा; जया बच्चन यांच्याबद्दल काय म्हणाले बिग बी?

बॉलिवूडचे महानायक अमिताभ बच्चन (Amitabh Bachchan) हे सध्या ‘कौन बनेगा करोड़पति’ या रिॲलिटी क्विझ शो च्या होस्टिंगमध्ये व्यस्त आहेत. सध्या या शोचा 18 वा सीझन सुरू आहे. या शोच्या एका भागात बिग बी यांनी मजेदार अंदाजात त्यांच्या मनातील इच्छा व्यक्त केली. त्यांची पत्नी आणि अभिनेत्री जया बच्चन यांनीही आपल्याला, ‘साहेब’ अशी हाक मारावी, अशी इच्छा असल्याचं बिग बी म्हणाले. ते ऐकून सगळेच आश्चर्यचकित झाले. “आज तुम्ही तुमच्यासोबत कोणाला घेऊन आला आहात ?” असा सवाल बिग बी यांनी केबीसीमध्ये एका स्पर्धकाला विचारला. ते ऐकून ती स्पर्धक म्हणाली, की तिच्यासोबत तिच्या सासूबाई आणि 10 वर्षांचा मुलगा आला आहे. ” खरंतर साहेब ( पती) सुद्धा येणार होते, त्यांची इच्छा होती, पण काही कामामुळे ते येऊ शकले नाही” असं ती महिला पुढे म्हणाली.

काय म्हणाले अमिताभ ?

त्या महिलेच्या तोंडून ‘साहेब’ हा शब्द ऐकताच मेगास्टार अमिताभ बच्चन यांना उत्सुकता वाटली आणि त्यांनी विचारलं, “साहेब कोण आहेत?” यावर स्पर्धक महिलेने सांगितलं की, ती तिचे पती राहुल यांना प्रेमाने ‘साहेब’ असं म्हणते. हे ऐकून अमिताभ बच्चन हसत म्हणाले, “तुम्ही त्यांना साहेब म्हणता?” . नंतर त्यावर प्रतिक्रिया देताना बिग बी म्हणाले की, तेही या स्पर्धक महिलेकडून प्रेरणा घेतील आणि पत्नी जया बच्चन यांनाही त्यांना अशाच प्रकारे हाक मारायला सांगतील.पुढे अमिताभ बच्चन मिश्कीलपणे म्हणाले, “ आज रात्री घरी गेल्यावर मी जया जींना सांगणार आहे की, तुम्हीही आम्हाला ‘साहेब’ म्हणत जा. आम्हाला खूप छान वाटेल!” . त्यांचं हे बोलणं ऐकून उपस्थित सर्वांनाच हसू फुटलं.

सांगायचं झालं तर अमिताभ बच्चन आणि जया बच्चन हे दोघं, भारतीय चित्रपटसृष्टीतील सर्वात चर्चित आणि लोकप्रिय जोडप्यांपैकी एक आहे. 1970 साली पुण्याच्या ‘फिल्म अँड टेलिव्हिजन इन्स्टिट्यूट ऑफ इंडिया’मध्ये ते दोघे भेटले होते. त्यानंतर ‘गुड्डी’ फिल्मच्या सेटवर त्यांची परत भेट झाली. ‘जंजीर’ चित्रपटाचं शूटिंग करताना ते एकमेकांच्या जवळ आले. दोघांनी ठरवलं की जर ‘जंजीर’ हिट झाली, तर ते एकत्र लंडनला फेरफटका मारायला जातील. जेव्हा अमिताभ यांनी ही गोष्ट आपल्या वडिलांनं डॉ. हरिवंश राय बच्चन यांना सांगितली, तेव्हां त्यांनी म्हटलं की जर जया सोबत जाणार असतील, तर आधी लग्न करावं. अशाप्रकारे 3 जून 1973 साली त्या दोघांचं लग्न झालं. लग्नानंतर जया बच्चन चित्रपटांपासून काही काळ दूर होत्या तर अमिताभ यांची कारकीर्द खूप उंचावली आणि अनेक चित्रपटांमधील भूमिकेमुळे ‘अँग्री यंग मॅन’ म्हणून समोर आले.