Bigg Boss 16 : ‘मी पूर्वी अनेकांना डेट केलंय, यापुढे देखील…’, निमृत कौर तिच्या खासगी आयुष्याबद्दल स्पष्टच म्हणाली
बिग बॉसच्या घरातून बाहेर पडताच निमृत कौर हिच्या बॉयफ्रेंडच्या लिस्टबद्दल मोठी माहिती समोर ; अनेक बॉयफ्रेंड होते असं म्हणारी निमृत कौर कधी करणार लग्न?
Bigg Boss 16 : बिग बॉस कायम चाहत्यांमध्ये चर्चेत राहणारा विषय आहे. बिग बॉस १६ शोची पहिली कॅप्टन निमृत कौर आता घरातून बाहेर पडली आहे. बिग बॉसच्या घरात आलेल्या प्रेक्षकांनी सर्वांत कमी मतं देऊन निमृत कौर आहलुवालियाला शोमधून काढून टाकलं आहे. ज्यामुळे निमृत तुफान चर्चेत आली आहे. बिग बॉसच्या घरातून बाहेर आल्यानंतर अभिनेत्रीने Tv9 भारतवर्षला दिलेल्या मुलाखतीत अनेक गोष्टींचा खुलासा केला. निमृत हिने तिच्या खासगी आयुष्याबद्दल आणि बिग बॉसच्या घरात होणाऱ्या गोष्टींबद्दल मनमोकळेपणाने सांगितलं. सध्या सर्वत्र निमृत आणि तिने केलेल्या वक्तव्याची चर्चा सुरु आहे.
निमृत कौर हिने यावेळी तिच्या रिलेशनशिपबद्दल खुलासा केला. निमृतला विचारण्यात आलं, ‘तू तुझ्या को-स्टारला डेट करते का?’ यावर प्रश्नाचं उत्तर देण्याआधी निमृतने त्या को-स्टारचं नाव विचारलं. तेव्हा निमृतला मिहिर पांधीबद्दल विचारण्यात आलं. यावर निमृत म्हणाली, ‘मी बिग बॉसच्या आधी अनेकांना डेट केलं आहे आणि पुढे देखील करले. आता देखील मी एका व्यक्तीली डेट करत आहे. पण जोपर्यंत मी लग्नाचा विचार करत नाही तोपर्यंत यावर काहीही बोलणार नाही…’ असं निमृत म्हणाली
निमृत कौर आता बिग बॉसच्या घरातून बाहेर आल्यानंतर विजयी कोण होणार याकडे सर्वांचं लक्ष लागलं आहे. तर शिव किंवा एमसी स्टॅन यांना बीग बॉसची ट्रॉफी मिळावी अशी निमृत कौर हिची इच्छा आहे. पुढे निमृत म्हणाली, ‘मी कोणालाही मिस करणार नाही कारण पुढच्या सात दिवसांत सर्वांना भेटणार आहे. मी फक्त माझ्या कुटुंबाला मिस करत आहे.’ शिवाय यावेळी निमृत हिने कुटुंबियांना भेटण्याची इच्छा व्यक्त केली आहे. (nimrit kaur ahluwalia reaction on her relationship)
मुलाखतीत निमृत पुढे म्हणाली, ‘बिग बॉसच्या घरात अन्य स्पर्धक तुमची नकारात्मक प्रतिमा तयार करण्याचा प्रयत्न करतात. ही गोष्ट मला फार दिवसांनंतर कळाली. मला आश्चर्य वाटायचं की हे लोक कॅमेऱ्यासमोर तीच गोष्ट पुन्हा पुन्हा का सांगत आहेत, पण ते एक चुकीची गोष्ट आणि ट्रॅक तयार करण्याचा प्रयत्न करत असल्याचं नंतर लक्षात आलं.’ असं देखील निमृत म्हणाली.
बॉसच्या घरात आलेल्या प्रेक्षकांनी सर्वांत कमी मतं देऊन निमृत कौर आहलुवालियाला शोमधून काढून टाकलं. आता घरात शिव ठाकरे, प्रियांका चहर चौधरी, एमसी स्टॅन, अर्चना गौतम आणि शालीन भनोट हे पाच स्पर्धक राहणार आहेत. त्यामुळे आता Bigg Boss 16 शोचा विजेता कोण असेल याकडे सर्वांचं लक्ष लागलं आहे.
