‘कतरिनासोबत लग्न झालं नसतं तर…’, ‘या’ पुरुषासोबत करायचं होतं विकी कौशल याला लग्न?

मुंबई | 18 डिसेंबर 2023 : अभिनेता विकी कौशल आणि अभिनेत्री कतरिना कैफ यांनी 21 डिसेंबर 2021 मध्ये शाही थाटात लग्न केलं. दोघांच्या लग्नाचे फोटो आणि व्हिडीओ देखील सोशल मीडियावर तुफान व्हायरल झाले. चाहत्यांना देखील विकी – कतरिना यांची जोडी फार आवडते. पण आता विकी कौशल याच्याबद्दल एक मोठी गोष्ट समोर येत आहे. विकी कौशल याल अभिनेत्री कतरिना कैफ हिच्यासोबत लग्न झालं नसतं, तर अभिनेत्याने बॉलिवूडच्या प्रसिद्ध सेलिब्रिटीसोबत लग्न केलं असतं. ज्या सेलिब्रिटीसोबत विकी याने लग्न करण्याची इच्छा व्यक्त केली, तो सेलिब्रिटी दुसरा तिसरा कोणी नसून अभिनेता शाहरुख खान आहे. किंग खान याने नुकताच याबद्दल मोठा खुलासा केला आहे.

शाहरुख खान म्हणाला, ‘दोन – तीन वेळा विकी कौशल मला फोन करुन म्हणाला, कतरिना हिच्यासोबत मी लग्न केलं आहे. जर माझं लग्न झालं नसतं तर, मी तुमच्यासोबत (शाहरुख खान) लग्न केलं असतं.’ याच दरम्यान राजकुमार हिरानी म्हणाले, सिनेमातील एका सीननंतर लिंबूचा तुकडा शाहरुख खान याने चाटला आणि विकी याला दिला. विकीने देखील तो लिंबूचा तुकडा चाटला..

सांगायचं झालं तर, विकी कौशल आणि शाहरुख खान लवकरत ‘डंकी’ सिनेमाच्या माध्यमातून चाहत्यांच्या भेटीस येणार आहेत. सध्या सिनेमातील सेलिब्रिटी सिनेमाच्या प्रमोशनमध्ये व्यस्त आहेत. प्रमोशन दरम्यान शाहरुख याने विकी कौशल याच्या कामाचं देखील कौतुक केलं.

किंग खान म्हणाला, ‘विकी एक उत्तम कलाकार आहे. मी आतापर्यंत अनेक चांगल्या कलाकारांसोबत काम केलं आहे. त्यापैकी विकी देखील एक आहे. ‘डंकी’ सिनेमात तुम्ही विकी याला पाहाल तर, तुम्ही देखील त्याच्याबद्दल प्रेम व्यक्त कराल. त्याकडून मला अनेक नव्या गोष्टी शिकता आल्या आहेत…’ असं देखील शाहरुख म्हणाला.

सध्या सर्वत्र शहारुख खान – विकी कौशल यांची मैत्री आणि ‘डंकी’ सिनेमाची चर्चा रंगली आहे. ‘डंकी’ सिनेमा 21 डिसेंबर रोजी प्रदर्शित होणार आहे. सध्या सर्वत्र फक्त आणि फक्त ‘डंकी’ सिनेमाची चर्चा रंगली आहे. सिनेमात शहारुख खान – विकी यांच्यासोबत अभिनेत्री तापसी पन्नू देखील महत्त्वाच्या भूमिकेत दिसणार आहे.

महत्त्वाची गोष्ट म्हणजे शाहरुख खान याने यंदाच्या वर्षी दोन हीट सिनेमे बॉलिवूडला दिले. ‘पठाण’ आणि ‘जवान’ सिनेमाने बॉक्स ऑफिसवर मोठी कमाई देखील केली. फक्त भारतात नाही तर, परदेशात देखील ‘पठाण’ आणि ‘जवान’ नवीन विक्रम रचले. आता ‘डंकी’ सिनेमा बॉक्स ऑफिसवर किती कोटी रुपयांची कमाई करेल हे पाहाणं महत्त्वाचं ठरणार आहे.