Akanksha Chamola : गौरव खन्नासोबत घटस्फोट घेणार आणि पुन्हा संसार थाटणार? आकांक्षा चामोलाने दुसऱ्या लग्नाबद्दल केले खळबळजनक विधान

नेटफ्लिक्सचा रिॲलिटी शो ‘लॉकअप 2’ दररोज नवनवीन वादांना तोंड देत आहे. या सीझनमध्ये आकांक्षाने तिचा पती गौरव खन्नाला घटस्फोट देत असल्याची घोषणा करून खळबळ उडवून दिली होती. बिग बॉस 19 चा विजेता गौरवने शोमध्ये आपल्या पत्नीवरील आपले नितांत प्रेम वारंवार व्यक्त केले होते आणि शेवटच्या काही भागांमधील या जोडीची केमिस्ट्री खूप पसंत केली गेली होती. आता लॉकअपच्या प्रीमियर एपिसोडमध्ये खळबळ माजवल्यानंतर, आकांक्षा चमोलाने आता एक नवीन खुलासा केला आहे. आकांक्षाने आता दुसऱ्या लग्नावर आपले मत मांडले आहे. आकांक्षाला दुसरे लग्न करायचे आहे की नाही याबाबत आता खुलासा झाला आहे.

पामेलासोबतच्या नुकत्याच झालेल्या संभाषणादरम्यान आकांक्षा चमोला म्हणाली, “मी खूप लहान वयात, फक्त 24 व्या वर्षी लग्न केले.” त्यावर पामेला म्हणाली, “तू अजून खूप तरुण आहेस, तुला कोणीतरी भेटेल.” आकांक्षाने उत्तर दिले, “मला पुन्हा लग्न करायचे नाही. मला वाटतं माझं आता पुरे झालं. मी माझ्या आयुष्यात पहिल्यांदाच सिंगल राहणार आहे. म्हणजे, ना माझ्या आई-वडिलांच्या घरात, ना माझ्या नवऱ्याच्या घरात. मी माझं स्वतःचं घर विकत घेणार आहे. आता मी माझं आयुष्य एकटीने जगणार आहे.” बिग बॉस 19 च्या फॅमिली वीक दरम्यान आकांक्षाने याबद्दल भाष्य केले होते. ती म्हणाली की, “मला कधीही मुले नको होती आणि मुलाच्या संगोपनाची जबाबदारी घेण्यासाठी मी स्वतःला तयार समजत नव्हती. मला करिअरवर लक्ष केंद्रित करायचे होते.”

आकांक्षा चमोलाने यापूर्वी ‘मी बायसेक्शुअल आहे” असं सांगून सोशल मीडियावर खळबळ उडवून दिली होती. तिचे मुलींसोबतही संबंध होते. तिने पहिल्यांदा गौरव खन्नापासून घटस्फोटाची घोषणा करून आणि नंतर तिच्या बायसेक्शुअल आहे असं कबूल केले. गौरव खन्ना आणि आकांक्षा चमोला यांनी लग्नाच्या 10 वर्षांनंतर वेगळे होण्याचा निर्णय घेतला आहे. आतापर्यंत, आकांक्षाने तिच्या पतीबद्दल काहीही नकारात्मक म्हटलेलं नाही. त्याच वेळी, शोच्या बाहेर, गौरव खन्ना पत्नीला पाठिंबा देताना दिसला आहे.