‘बिग बॉस ओटीटी’ संपताच करण जोहर लागला कामाला, एक-दोन नव्हे तब्बल चार चित्रपटांची केली डील!

करण जोहर (Karan Johar) एक प्रसिद्ध बॉलिवूड चित्रपट निर्माता आणि दिग्दर्शक आहे. त्याच्या चित्रपटात काम करण्यासाठी केवळ अभिनेतेच नव्हे, तर अनेक मोठ्या कंपन्यांना त्याच्या प्रॉडक्शन हाऊस धर्मा प्रॉडक्शनसोबत करार करण्यास उत्सुक असतात.

‘बिग बॉस ओटीटी’ संपताच करण जोहर लागला कामाला, एक-दोन नव्हे तब्बल चार चित्रपटांची केली डील!
Karan Johar

मुंबई : करण जोहर (Karan Johar) एक प्रसिद्ध बॉलिवूड चित्रपट निर्माता आणि दिग्दर्शक आहे. त्याच्या चित्रपटात काम करण्यासाठी केवळ अभिनेतेच नव्हे, तर अनेक मोठ्या कंपन्यांना त्याच्या प्रॉडक्शन हाऊस धर्मा प्रॉडक्शनसोबत करार करण्यास उत्सुक असतात. अशा परिस्थितीत, बॉलिवूड इंडस्ट्रीमध्ये एक मोठी बातमी चर्चेत येत आहे की, करण जोहरचे धर्मा प्रॉडक्शन आता वायकॉम स्टुडिओसह मोठा धमाका करणार आहे.

वायकॉमशी संबंधित 4 चित्रपट

करण जोहर लवकरच त्याच्या 4 प्रोजेक्ट्ससाठी प्रसिद्ध स्टुडिओज वायकॉमसोबत हातमिळवणी करत असल्याची बातमी सध्या बी टाऊनमध्ये चर्चेत आहे. असे म्हटले जात आहे की, धर्मा आणि वायकॉम यांच्यात एक गुप्त बैठक झाली आहे, ज्यात अनेक प्रकल्पांसाठी संमती झाली आहे. अहवालांनुसार, धर्मा वायकॉमचा करार हा आजच्या काळातील उद्योगातील सर्वात मोठा करार असल्याचे सांगितले जात आहे. वायाकॉम18ने धर्माच्या आगामी 4 चित्रपटांच्या स्लेटचे वितरण अधिकार खरेदी केले आहेत.

लाइका प्रॉडक्शन्सने दाखवली पाठ

करण बऱ्याच काळापासून एका मोठ्या प्रॉडक्शन कंपनीसोबत भागीदारी करत होता. ज्यात लायका प्रॉडक्शन हाऊससोबत साऊथ कराराच्या बातम्या चर्चेत होत्या. ही तीच कंपनी आहे ज्याच्या अंतर्गत रजनीकांत आणि अक्षय कुमार स्टारर चित्रपट 2.0 प्रदर्शित झाला होता. मात्र, या प्रॉडक्शन हाऊसने करणची ऑफर नाकारली. अशा परिस्थितीत, करण बऱ्याच काळापासून एका मोठ्या कंपनीशी हातमिळवणी करण्यास उत्सुक होता आणि आता रिपोर्ट्सनुसार, करणच्या मेहनतीला आणि प्रयत्नांना फळ मिळाले आहे. आतापर्यंत, वायकॉम किंवा धर्माकडून कोणतीही अधिकृत घोषणा झालेली नाही.

नेटफ्लिक्सचा करणला दे धक्का

करणच्या वायकॉमसोबतच्या भागीदारीच्या बातम्या जोरात सुरू असताना, ओटीटी प्लॅटफॉर्म नेटफ्लिक्सवर त्याचे अनेक चित्रपट रिलीज झालेल्या करणने या व्हिडिओ स्ट्रीमिंग प्लॅटफॉर्मशी आपला करार संपवल्याच्या बातम्या चर्चेत आहेत. असे म्हटले जात आहे की, काही प्रकल्पांबाबत नेटफ्लिक्स आणि करण यांच्यात सामंजस्य नव्हते. यामुळेच आता करण या व्यासपीठावर काम करणार नाहीय.

बॉलिवूडचा सर्वात मोठा उत्पादक

अक्षय कुमारचा ‘सूर्यवंशी’ आणि ‘दोस्ताना 2’ चित्रपट लवकरच करण जोहरच्या बॅनरखाली प्रदर्शित होणार आहेत. तसेच अलीकडेच त्याने त्याच्या आगामी ‘रॉकी और रानी की प्रेम कहानी’ चित्रपटाची घोषणा केली. ज्याचे शूटिंग चालू आहे. या चित्रपटात रणवीर सिंग, आलिया भट्ट, जया बच्चन, धर्मेंद्र आणि शबाना आझमी दिसणार आहेत. हा चित्रपट 2022 मध्ये रिलीज होईल.

हेही वाचा :

Bigg Boss Marathi 3 | ‘नेमकं कसं वागू कळतच नाहीय…’, ‘बिग बॉस मराठी 3’च्या घरात शिवलीला झाली भावूक!

Rahul Vaidya Disha Parmar : ‘खतरों के खिलाडी 11’ च्या फायनल शूटनंतर राहुल वैद्य आणि दिशा परमार निघाले हनिमूनला

Happy Birthday: ‘त्या’ चुंबन प्रकरणाने वादग्रस्त ठरली, पर्सनल आणि प्रोफेशनल लाईफमध्येही चर्चेत; कोण आहे अभिनेत्री रिद्धि डोगरा?

Read Full Article

Click on your DTH Provider to Add TV9 MARATHI