वांग्याचं भरीत ते चिकन बिर्याणी… आशाताईंच्या आवडीचे 5 पदार्थ, वाचा…

दिग्गज गायिका आशा भोसले यांच्या निधनामुळे मनोरंजन क्षेत्रावर शोकककळा पसरली आहे. आज त्यांनी मुंबईत 93 व्या वर्षी अखेरचा श्वास घेतला. आशा भोसले यांनी जवळपास 70 वर्षांच्या कारकीर्दीत विविध भाषांमधील हजारो गाणी गायली. यासाठी त्यांनी अनेक पुरस्कार मिळालेले आहेत. पण तुम्हाला कदाचित माहिती नसेल की आशाताई स्वयंपाकातही पारंगत होत्या. तसेच त्यांना वेगवेगळ्या खाद्यपदार्थांचीही आवड होती. आज आपण त्यांच्या आवडीच्या 5 पदार्थांची माहिती जाणू घेणार आहोत.

थकवा दूर करण्यासाठी स्वयंपाक करायच्या

आशा भोसले यांनी हजारो गाणी गायली, पण स्वयंपाकाची आवड त्यांना लहानपणापासूनच होती. लग्नानंतर सासरी गेल्यावर हा छंद आणखी वाढला. त्यांनी दुबई आणि कुवैतमध्ये ‘आशा’ नावाची रेस्टॉरंट्सही सुरू केली, जिथे त्यांच्या खास रेसिपींवर उत्तर भारतीय आणि महाराष्ट्रीयन पदार्थ मिळतात. त्या म्हणायच्या की स्वयंपाक करणे म्हणजे त्यांचा थकवा घालवण्याचा मार्ग होता.

आशाताईंच्या आवडीचे पदार्थ

• मिरचीचं लोणचं : आशाताईंनी अनेक मुलाखतींमध्ये सांगितलं होतं की साधा भात, डाळ आणि मिरचीचं लोणचं हे त्यांचं सर्वात आवडतं जेवण होतं.
• कढई गोश्त : आशा भोसले यांना कढई गोश्त खूप आवडत होतं. मटण प्रेशर कुकरमध्ये शिजवून कढईत कांदे परतून मसाले व टोमॅटो घालून हा पदार्थ बनवला जातो.
• चिकन बिर्याणी : आशाताईंना चिकण बिर्याणीही खूप आवडायची. चिकनला मॅरिनेट करून, अर्धवट शिजलेल्या भातात ते ठेवून ही डिश तयार केली जाते.
• शामी कबाब: चिकन किंवा मटण कीमा, चण्याची डाळ, मसाले आणि अंडी वापरून हे सॉफ्ट आणि स्वादिष्ट कबात तयार केले जातात.
• हिरव्या वांग्याचं भरीत : हा पदार्थ त्यांच्या आईच्या आठवणींशी जोडलेला होता. वांगी भाजून सोलून मॅश करून मसाल्यात परतवून हा पदार्थ बनवला जातो.

रेस्टॉरंट चेनच्या आहेत मालक

खाण्याच्या याच आवडीतून त्यांनी अनेक रेस्टॉरंट्स उघडली, त्या रेस्टॉरंट चेनच्या मालक बनल्या. दुबई आणि कुवेतमध्ये ‘आशाज’ नावाचं त्यांचं रेस्टॉरंट आहे. अबू धाबी, दोहा आणि बहरीनमध्येही त्यांची रेस्टॉरंट्स असून या रेस्टॉरंट्समध्ये प्रामुख्याने भारतीय खाद्यपदार्थ मिळतात. एवढंच नव्हे तर आशा भोसले यांनी स्वतः या रेस्टॉरंटमधील शेफना प्रशिक्षण दिलं होतं.