The Kashmir Files Movie : अनुपम खेर यांच्या ‘द कश्मीर फाईल्स’चा ट्रेलर आऊट, ‘या’ तारखेला चित्रपट प्रदर्शित होणार
'द कश्मीर फाईल्स' हा चित्रपट आता 11 मार्चला प्रदर्शित होणार आहे. अभिनेते अनुपम खेर, अभिनेते मिथून चक्रवर्ती यांच्यासारखी स्टारकास्ट या चित्रपटात पहायला मिळणार आहे.
मुंबई : ‘द कश्मीर फाईल्स’ (The Kashmir Files Movie) हा चित्रपट आता 11 मार्चला प्रदर्शित होणार आहे. याआधी हा चित्रपट मागच्या वर्षी स्वातंत्र्यदिनी म्हणजेच 15 ऑगस्टला प्रदर्शित होणार होता. पण कोरोनाच्या तिसऱ्या लाटेमुळे या चित्रपटाच्या प्रदर्शनाची तारिख पुढे ढकलण्यात आली. आता हा चित्रपट येत्या 11 मार्चला प्रदर्शित होतोय. विवेक अग्निहोत्री यांनी या चित्रपटाचं दिग्दर्शन केलं आहे. तसंच अभिनेते अनुपम खेर (Anupam Kher), अभिनेते मिथुन चक्रवर्ती (Mithun Chakraborty) यांच्यासारखी स्टारकास्ट या चित्रपटात पहायला मिळणार आहे. हा चित्रपट काश्मिरी पंडितांच्या जीवनावर आधारित आहे. अनुपम खेर यांनी या चित्रपटाच्या प्रदर्शनाबद्दल पोस्ट शेअर केली आहे. त्यांनी आपल्या पोस्टमध्ये म्हटलंय, ‘तुम्हा सर्वांसाठी ‘द कश्मीर फाईल्स’ लवकरच मोठ्या पडद्यावर घेऊन येत आहोत. हा चित्रपट 11 मार्च 2022 ला रिलीज होणार आहे.’
View this post on Instagram
चित्रपटातील कलाकार
विवेक अग्निहोत्री दिग्दर्शित ‘द कश्मीर फाईल्स’ हा चित्रपट येत्या 11 मार्चला प्रदर्शित होणार आहे. या चित्रपटात ब्रह्मा दत्तच्या भूमिकेत मिथुन चक्रवर्ती, पुष्करनाथच्या भूमिकेत अनुपम खेर, कृष्णा पंडितच्या भूमिकेत दर्शन कुमार, राधिका मेननच्या भूमिकेत पल्लवी जोशी, श्रद्धा पंडितच्या भूमिकेत भाषा सुंबली, फारूक मलिक हे कलाकार एकत्र पडद्यावर पहायला मिळणार आहेत.
कश्मीरी पंडिताच्या जीवनावर आधारित चित्रपट
‘द कश्मीर फाइल्स’ हा चित्रपट कश्मीरी पंडिताच्या जीवनावर आधारित आहे. 1989 आणि 1990 मध्ये काश्मिरी पंडितांच्या झालेल्या स्थलांतरावर हा सिनेमा भाष्य करतो. हा चित्रपट सत्य घटनांवर आधारित आहे.
‘द काश्मीर फाइल्स’ कश्मीरी पंडिताच्या जीवनावर आधारित असलेला हा चित्रपट येत्या 11 मार्चला प्रदर्शित होतोय. त्यामुळे या चित्रपटाला कसा प्रतिसाद मिळतो, हे पहावं लागेल.
संबंधित बातम्या
Gangubai Kathiawadi : ‘गंगूबाई काठियावाडी’च्या प्रदर्शनासाठी आलियाचा हटके अंदाज, फोटो शेअर करत म्हणाली…
Mouny Roy Honeymoon Photos : अभिनेत्री मौनी रॉय काश्मिरमध्ये करतेय हनिमून इन्जॉय, तिचे बर्फातले फोटो बघाच!
Jhund Teaser : एक झलक सबसे अलग, अमिताभ बच्चन यांची ‘झुंड’ स्टाईल, नागराज मंजुळेंकडून नवा टीझर शेअर
