चित्रपटगृहांनंतर आता जॉन अब्राहमचा ‘सत्यमेव जयते 2’ ओटीटी प्लॅटफॉर्मवर करणार धमाका…जाणून घ्या कधी आणि कुठे प्रदर्शित होणार!

मुंबई : बॉलिवूड अभिनेता जॉन अब्राहमचा (John Abraham) चित्रपट सत्यमेव जयते 2 (Saytameva Jayate 2) गेल्या महिन्यात चित्रपटगृहामध्ये प्रदर्शित झाला होता. 25 नोव्हेंबरला चित्रपटगृहांमध्ये प्रदर्शित झाल्यानंतर आता सत्यमेव जयते 2 ओटीटी प्लॅटफॉर्मवर धमाका करण्यासाठी तयार आहे. सत्यमेव जयते 2 मध्ये जॉनसोबत दिव्या खोसला कुमार मुख्य भूमिकेत आहे. विशेष म्हणजे या चित्रपटात जॉन खास भूमिकेमध्ये दिसला आहे.

आता तुम्हाला प्रश्न पडला असेल की, OTT प्लॅटफॉर्मवर हा चित्रपट कधी रिलीज होणार आहे. यासाठी तुम्हाला जास्त वाट बघण्याची गरज नाहीये. सत्यमेव जयते 2 OTT प्लॅटफॉर्मवर पुढच्याच आठवड्यामध्ये प्रदर्शित होणार आहे. जॉन अब्राहमचा चित्रपट सत्यमेव जयते 2 हा 23 डिसेंबरला Amazon Prime वर रिलीज होणार आहे. टी-सीरीजने सत्यमेव जयते 2 चे पोस्टर सोशल मीडियावर शेअर करून ही माहिती दिली आहे.

View this post on Instagram

A post shared by tseriesfilms (@tseriesfilms)

चित्रपटाची कथा नेमकी काय? 

कोरोनामुळे गेल्या अनेक दिवसांपासून चित्रपट OTT प्लॅटफॉर्मवर प्रदर्शित होत आहेत. विशेष म्हणजे OTT प्लॅटफॉर्मवर चित्रपटांना चांगला प्रतिसाद देखील मिळतो आहे. सत्यमेव जयते 2 बद्दल बोलायचे झाले तर, जॉन अब्राहम या चित्रपटात भ्रष्टाचाराविरुद्ध लढताना दिसत आहे. त्यांना देशातून भ्रष्टाचार संपवायचा आहे. ज्यामध्ये त्याची पत्नी दिव्या खोसला कुमार त्याला साथ देते.

सत्यमेव जयते 2 ची कथा अन्याय आणि सत्तेच्या गैरवापराभोवती विणलेली आहे. जॉन अब्राहम व्यतिरिक्त, दिव्या खोसला कुमार, राजीव पिल्लई, साहिल वैधी आणि अनूप सोनी या चित्रपटात महत्त्वाच्या भूमिकेत आहेत. या चित्रपटाच्या दिग्दर्शनाबरोबरच त्याची कथाही मिलाप झवेरीने लिहिली आहे. टी-सीरीज आणि एमी एंटरटेनमेंटच्या बॅनरखाली या चित्रपटाची निर्मिती करण्यात आली आहे.

संबंधित बातम्या : 

Friendship : मैत्रीसाठी काहीही..! पद्मिनीनं पळून जाऊन लग्न केल्यानंतर ‘या’ अभिनेत्रीनं दिले दागिने

VIDEO : ‘जर्सी’साठी शाहिद कपूरनं गाळलं रक्त आणि घाम! टाके पडल्यानंतरही जोरदार फटकेबाजी!!