Gautami Patil: माझा भूतकाळ…. गौतमी पाटील पहिल्यांदाच बोलली लाइफ पार्टनर विषयी

गौतमी पाटील ही लाखो लोकांच्या हृदयाची धडकन आहे. सबसे कातील गौतमी पाटील हे वाक्य अनेकांच्या तोंडून ऐकायला मिळतय. ती अनेकांची ‘व्हॅलेंटाईन’ म्हणून ओळखली जाते. तिच्या आकर्षक अदा, ठुमकेदार नृत्य आणि सोज्वळ सौंदर्यामुळे प्रत्येकजण तिच्यावर फिदा आहे. लावणी सादरीकरणातून तिने थोड्याच काळात प्रचंड लोकप्रियता मिळवली आहे. तिच्या वैयक्तिक आयुष्यामुळेही ती नेहमी चर्चेत राहते. आता नुकताच गौतमीने केलेले वक्तव्य सर्वांचे लक्ष वेधून घेत आहे.

आज व्हॅलेंटाईन्स डे साजरा होत असताना, तिच्या चाहत्यांमध्ये उत्सुकता आहे की गौतमीचा खरा व्हॅलेंटाईन कोण? तिला साथीदार नेमका कसा हवा आहे? असे अनेक प्रश्न विचारले जातात. याच विषयावर तिने ‘कॉफी विथ कौशिक’ या खास व्हॅलेंटाईन्स डे स्पेशल पॉडकास्टमध्ये मनमोकळेपणाने बोलताना खुलासा केला. आता गौतमी नेमकं काय म्हणाली जाणून घ्या…

गौतमीचा व्हॅलेंटाईन कोण?

जेव्हा तिला विचारण्यात आले की तिचा व्हॅलेंटाईन कोण आहे आणि व्हॅलेंटाईन वीक कसा साजरा करतेय, तेव्हा गौतमीने स्पष्टपणे सांगितले, “सध्या माझा अजिबात कुणीही व्हॅलेंटाईन नाही. माझे कार्यक्रम आणि काम सुरू आहे. व्हॅलेंटाईन डे असं काही मी साजरा करत नाही. यात मला खरंतर फारसा इंटरेस्ट नाही.”

व्हॅलेंटाईन डे कसा साजरा करावा?

व्हॅलेंटाईन डे नेमका कसा साजरा करावा, असा प्रश्न आल्यावर गौतमी म्हणाली, “कुठेतरी फिरायला जाऊन, एकत्र छान जेवण करून, एकमेकांसाठी वेळ देऊन… एवढं पुरेसं आहे. त्यातूनच खरा आनंद मिळतो.”

आदर्श पार्टनर कसा असावा?

तिच्या आदर्श साथीदाराबद्दल बोलताना गौतमीने सांगितले, “माझा पार्टनर नेहमी समजूतदार असावा. माझ्या आयुष्यात आतापर्यंत बऱ्याच गोष्टी घडल्या आहेत. माझ्या भूतकाळाला स्वीकारणारा, समजून घेणारा असावा. हीच माझी मुख्य अपेक्षा आहे.” या मुलाखतीतून गौतमीने तिच्या प्रेम आणि नातेसंबंधांबद्दलची प्रामाणिक मतं मांडली, जी तिच्या चाहत्यांना नक्कीच आवडतील!