हेमा मालिनी यांच्या छोट्या जावयाला पाहिल्यानंतर येईल धर्मेंद्र यांची आठवण, लेकीचा नवरा करतो तरी काय?

बॉलिवूडचे दिवंगत अभिनेते धर्मेंद्र यांनी अनेक सिनेमांमध्ये दमदार भूमिका साकारत चाहत्यांचं मनोरंजन केलं. तर अभिनेत्री हेमा मालिनी यांनी देखील अनेक हीट सिनेमे बॉलिवूडला दिले आहेत. धर्मेंद्र आणि हेमा मालिनी यांची मोठी लेक ईशा देओल हिने बॉलिवूडमध्ये पदार्पण तर केलं, पण आई – वडिलांप्रमाणे स्वतःची ओळख भक्कम करु शकली नाही. तर दुसरीकडे, त्यांची छोटी मुलगी अहाना झगमगत्या विश्वापासून खूप दूर आहे. पण अहाना तिच्या खासगी आयुष्यामुळे कायम चर्चेत असते. अहाना हिच्याबद्दल सांगायचं झालं तर, तिच्या नवऱ्याचं नाव वैभव वोहरा आहे… जे फिल्मी इंडस्ट्रीपासून दूर आहेत. पण त्यांच्या क्षेत्रात वैभव वोहरा हे नाव फार मोठं आहे.

वैभव हे दिल्लीतील एक यशस्वी उद्योजक असून आंतरराष्ट्रीय लॉजिस्टिक्स आणि विमान वाहतूक क्षेत्रात त्याची मजबूत पकड असल्याचं मानलं जातं. वैभव वोहरा यांनी इंडो-फ्रेंच चेंबर ऑफ कॉमर्समध्ये लॉजिस्टिक्स आणि मेरिटाइम कमिटीचे अध्यक्ष म्हणून काम पाहिले आहे. त्यांनी एव्हिएशन लॉजिस्टिक्स नेटवर्कसाठी दक्षिण आशियाचे प्रादेशिक संचालक म्हणूनही काम पाहिले आहे, जे सिंगापूर एअरलाइन्स, एअर फ्रान्स, लुफ्थान्सा आणि एअर कॅनडा यांसारख्या अनेक प्रमुख जागतिक विमान कंपन्यांसाठी फ्रेट फॉरवर्डिंग एजंट म्हणून काम करतात.

वैभव वोहरा यांनी उच्च शिक्षण घेतलं आहे. त्यांनी अमेरिकेतील प्रतिष्ठित बॅबसन कॉलेजमधून शिक्षण पूर्ण केलं आहे, बॅबसन कॉलेज व्यवसाय आणि उद्योजकता यांसारख्या विषयांमुळे अधिक प्रसिद्ध आहे. यामुळे त्यांना त्यांच्या संपूर्ण कारकिर्दीत यशाच्या पायऱ्या सातत्याने चढता आल्या आणि आज ते एक प्रस्थापित व्यावसायिक म्हणून ओळखले जातात.

अहाना तिच्या सासरच्या मंडळींसोबत दिल्ली येथे राहते आणि झगमगत्या विश्वापासून कायम स्वतःला दूर ठेवते. तर दुसरीकडे वैभव त्यांच्या कामात पूर्णपणे व्यस्त असतात. व्यस्त वेळापत्रक असून देखील ते कुटुंबियांना वेळ देतात. धर्मेंद्र आणि हेमा मालिनी यांच्या कुटुंबात जावई म्हणून आलेल्या वैभव वोहरा यांनी सर्वांच्या मनावर राज्य केलं आहे.

वैभव वोहरा एक यशस्वी उद्योजकच नाही तर, एक जबाबदार पती आणि पिता देखील आहेत. याच कारणामुळे अहाना आज तिच्या कुटुंबियांसोबत आनंदी आयुष्य जगत आहे…