Tiger Shroff: माझी गाडी टायगरच्या BMW मागे होती मी जे पाहिलं ते…अभिनेता करणवीर मेहराने तिथे जे घडलं ते सर्वच सांगून टाकलं

Tiger Shroff Firing: काल जुहू येथे बॉलिवूड अभिनेता टायगर श्रॉफवर गोळीबार झाला. टायगरवरील हल्ल्यात दोन जण जखमी झाल्याचे वृत्त आहे, त्यापैकी एक त्याचा ड्रायव्हर फिरदोस आहे. दुसऱ्याची ओळख चौहान अशी झाली आहे. लॉरेन्स बिश्नोई टोळीने टायगर श्रॉफवरील गोळीबाराची जबाबदारी स्वीकारली आहे. मुंबई पोलिसांनी या प्रकरणात मोठी कारवाई करत एका व्यक्तीला ताब्यात घेतले आहे.

अनेक टेलिव्हिजन आणि बॉलिवूड सेलिब्रिटींनी टायगरवरील हल्ला पाहिला. अभिषेक बजाज, करणवीर वोहरा घटनास्थळी उपस्थित होते. घटनेच्या वेळी त्यांनी काय पाहिले यावर त्यांनी आता अपडेट दिली आहे.

अभिषेक बजाज काय म्हणाला?

अभिनेता अभिषेक बजाज त्या फुटबॉल मैदानावर उपस्थित होता, जिथे टायगर श्रॉफवर गोळीबार झाला. त्याने न्यूज१८ शी या घटनेबद्दल बोलताना सांगितले की, “घटनेपूर्वी ते सर्वजण एकत्र खेळत होते. आम्ही सर्व ठीक आहोत. तो आता सुरक्षित आहे. काळजी करण्यासारखं काहीच नाही.”

करणवीर मेहराने सांगितले की, “संध्याकाळी तो फुटबॉलच्या मैदानावरून निघत होता. त्याची गाडी टायगर श्रॉफच्या बीएमडब्ल्यू गाडीच्या मागे होती. जेव्हा तो गाडीच्या गेटजवळ गेला, तेव्हा त्याला रक्ताचे डाग दिसले.  नंतर मला समजले की टायगर श्रॉफच्या ड्रायव्हरला गोळी लागली होती. या घटनेत टायगर श्रॉफला कोणतीही इजा झाली नाही. सुरुवातीला लोकांना याची कल्पना नव्हती. जवळच काही मुले वाढदिवसाची पार्टी साजरी करत होती. फटाक्यांच्या आवाजामुळे लोकांना गोळीबाराचा आवाज ऐकू आला नाही. जेव्हा लोकांना खरी घटना समजली, तेव्हा लोक पळू लागले. मी बाईकवरील हल्लेखोरांना पाहिले नव्हते.”

गोळीबाराच्या घटनेनंतर, त्याचे वडील जॅकी श्रॉफ यांच्या टीमने टायगरच्या सुरक्षेबाबतच्या परिस्थितीबद्दल स्पष्टीकरण दिले आहे. आज तकशी बोलताना, जॅकी श्रॉफच्या टीमने पुष्टी केली की टायगर सुरक्षित आणि जखमी नाही. टीमने सांगितले, “टायगर ठीक आहे.” यापूर्वी, पोलिसांनीही स्पष्टपणे सांगितले होते की गोळीबाराच्या घटनेत टायगर श्रॉफ जखमी झाला नव्हता.