या अभिनेत्रीसोबत होता माधुरी दीक्षितचा 36 चा आकडा, ‘सावत्र बहिणी’चा रोल मिळाला अन्…
90च्या दशकातील लोकप्रिय अभिनेत्री माधुरी दीक्षितची क्रेझ आजही कायम आहे. तिच्या स्माईलपासून ते डान्ससाठी सगळेच वेडे होते. पण त्याचवेळी अजून एक अभिनेत्री अशी होती जिची थेट माधुरी दीक्षितसोबतच तुलना होऊ लागली होती. त्यामुळे यो दोघींमध्येही स्पर्धा होऊ लागली आणि त्यामुळे दोघींमध्येही 36चा आकडा होता असही म्हटलं जातं. कोण आहे ती अभिनेत्री माहितीये?
90 च्या दशकातली धक-धक गर्ल अभिनेत्री माधुरी दीक्षितची काही वेगळी ओळख करून देण्याची गरज नाही. तिने तिच्या अभिनयासोबतच डान्सपासून ते तिच्या स्माईलपर्यंत सर्वांनाच वेड लावलं होतं. तिच्या सौंदर्याने लोकांना भुरळ घातली. आजही तिची क्रेझ कमी झालेली नाहीये. माधुरी अनेक दशकांपासून इंडस्ट्रीमध्ये सक्रिय आहे. पण हे अनेकांना माहित नसेल की त्याचवेळी अशी एक अभिनेत्री इंडस्ट्रीमध्ये होती जिची थेट माधुरीसोबत तुलना केली जाऊ लागली होती. ही अभिनेत्री देखील दिसायला तेवढीच सुंदर अन् नृत्यात पारंगत होती, त्यामुळे त्यांची तुलना सतत होत राहिली आणि कुठेतरी त्याचा परिणाम हा या माधुरी आणि त्या अभिनेत्रीवरही झाला. अन् त्या दोघींमध्येही 36 चा आकडा निर्माण झाला.
माधुरी आणि या अभिनेत्रीचा का होता 36 चा आकडा
80 आणि 90 च्या दशकात माधुरी दीक्षितसोबत ज्या अभिनेत्रीने लोकांच्या मनावर राज्य केले, जिने हिंदी चित्रपट रसिकांची मने जिंकली. 90 च्या दशकात जिने अनेक हिट चित्रपट केले त्या अभिनेत्रीचे नाव आहे मीनाक्षी शेषाद्री. मीनाक्षीने दामिनी ते हिरो, मेरी जंग अशा चित्रपटांमध्ये काम केले आहे. अमिताभ बच्चन ते ऋषी कपूर अशा अनेक बॉलिवूड सुपरस्टार्ससोबत काम केले आहे. मीनाक्षीच्या अभिनय कौशल्याची सर्वत्र प्रशंसा झाली आणि तिच्या सौंदर्याचीही प्रशंसा झाली. लवकरच, ती अभिनेत्री माधुरी दीक्षितशी स्पर्धा करू लागली.
माधुरीप्रमाणेच ती उत्तम डान्सर आणि उत्तम अभिनेत्री होती
1986 मध्ये क्रांती कुमार दिग्दर्शित ‘स्वाती’ या रोमँटिक ड्रामा चित्रपटात माधुरी दीक्षित आणि मीनाक्षी शेषाद्री यांनी एकत्र काम केले होते. या चित्रपटात मीनाक्षी शेषाद्रीने मुख्य भूमिका साकारली होती आणि माधुरी दीक्षितने सावत्र बहिणीची भूमिका साकारली होती. या चित्रपटात दोन्ही अभिनेत्रींच्या प्रतिभेचे प्रदर्शन झाले होते आणि प्रेक्षकांनी त्याला चांगला प्रतिसाद दिला होता.
View this post on Instagram
माधुरीसोबतच्या तुलनेबद्दल अभिनेत्री काय म्हणाली?
मीनाक्षी शेषाद्रीने एकदा दिलेल्या माधुरी दीक्षितशी तुलना करण्याबद्दल बोलताना म्हटले होते की ती कधीही माधुरी दीक्षितसारखी होऊ शकत नाही आणि माधुरी दीक्षित तिच्यासारखी होऊ शकत नाही. तिने त्यांच्यात कोणतीही स्पर्धा असल्याचे स्पष्टपणे नाकारले. माधुरी दीक्षित आणि मीनाक्षीमध्ये एक गोष्ट समान आहे ती म्हणजे त्या दोघीही उत्कृष्ट नर्तिका आहेत. माधुरीच्या नृत्याच्या चाली आजही लोकांचे कौतुक करतात. मीनाक्षीला भरतनाट्यम आणि कथ्थक सारख्या शास्त्रीय नृत्य प्रकारांमध्ये प्रशिक्षण दिले आहे, तर माधुरीने वर्षानुवर्षे प्रशिक्षण घेतले आहे.
