Ashok Saraf : निवेदिता सराफ यांच्यासमोर अशोक मामांसोबत रोमँटिक सीन…, मराठमोळ्या अभिनेत्रीने सांगितला मालिकेचा किस्सा

Ashok Saraf : अभिनेते अशोक सराफ यांनी अनेक मालिका आणि सिनेमांमध्ये देखील मोठी भूमिका बजावत प्रेक्षकांचं मनोरंजन केलं. आज चाहते अशोक मामा यांच्या आगामी सिनेमाच्या प्रतिक्षेत असतात. दरम्यावर, एका मराठमोळ्या अभिनेत्री एक किस्सा सांगितला आहे. ही अभिनेत्री दुसरी तिसरी कोणी नसून मेघा घाडगे आहे. मेघा हिने अशोक सराफ यांच्यासोबत एक मालिकेत रोमँटिक सीन शूट केलेला. तेव्हा निवेदिता सराफ देखील समोरच बसलेल्या… अशात तेव्हा नेमकं काय घडलं, याबद्दल मेघा हिने नुकताच झालेल्या एका मुलाखतीत सांगितलं आहे.

नुकताच झालेल्या एका मुलाखतीत मेघा हिने अशोक सराफ यांच्यासोबत दिलेल्या रोमँटिक सीनबद्दल मोठा खुलासा केला. यावर मेघा, ‘अशोक मामा यांच्यासोबत मी एका मालिकेत काम केलं होतं. त्यांच्या मालिकेत मला गेस्ट अपिरिंस म्हणून मला बोलावलं होतं. मालिकेत मी आणि अशोक मामा एक कपल म्हणून काम करणार होतो आणि त्यांच्यासोबत माझा रोमँटिक सीन होता.’

‘तेव्हा माझं असं झालं की, अशोक सराफ यांच्यासोबत मी काय सीन करू… त्यात निवेदिता ताई समोर होत्या… लावणी कलावंत घरी येणे आणि त्यांचं अफेअर सुरु असतं. त्यावरुन त्यांचं बायकोसोबत वाद होतात… असा काही तो सीन होता…’

पुढे मेघा म्हणाली, ‘अशोक सराफ यांना पाहिल्यानंतर मला असं वाटलं की, मी काहीतरी पुण्य केलं आहे… त्या सिरियलमध्ये सीन करताना त्यांनी मला आधी सगळं काही सांगितलं होतं… पण निवेदिता ताई समोर होत्या.. तेव्हा माझं काय झालं असतं… पण तो सीन अप्रतिम झालेला…’, असं देखील मेघा हिने सांगितलं.

मेघा हिच्याबद्दल सांगायचं झालं तर, अनेक मालिका आणि सिनेमांमध्ये दमदार भूमिका साकारत तिने चाहत्यांच्या मनावर राज्य केलं. लावणी नृत्यांगणा म्हणून देखील मेघा लोकप्रिय आहे. सोशल मीडियावर देखील अभिनेत्री कायम सक्रिय असते. चाहत्यांच्या संपर्कात राहण्यासाठी अभिनेत्री कायम स्वतःचे फोटो  आणि व्हिडीओ सोशल मीडियावर पोस्ट करत असते. चाहते देखील तिच्या प्रत्येक पोस्टवर लाईक्स आणि कमेंटचा वर्षाव करत असतात.