अनेक अभिनेत्यांसोबत अफेअर, गंभीर आजारानं होती ग्रस्त, निर्वस्त्र अवस्थेत रस्त्यावर धावलेली; कुजलेल्या अवस्थेत सापडलेली सुप्रसिद्ध अभिनेत्री

बॉलिवूड हे एक झगमगतं जग आहे, जे बाहेरून सुंदर आणि सोपं वाटत असलं तरी, आतून अंधःकारानं भरलेलं आहे. या इंडस्ट्रीत आलेले सर्व बाहेरील कलाकार एकतर प्रचंड यशस्वी झाले आहेत किंवा गायब झाले आहेत. काहींचा अंत इतका दुःखद झाला की, त्याचं रहस्य आजही उलगडलेलं नाही. परवीन बाबी यांचा मृत्यू हे अशाच रहस्यांपैकी एक आहे. त्यांनी इतक्या सहजतेनं यश मिळवलं, तरीही त्यांचे शेवटचे दिवस तितकेच कठीण होते. ८० च्या दशकातील एक आघाडीची अभिनेत्री परवीन बाबी यांचा मृत्यू आजही एक रहस्यच आहे, कारण त्यांचा मृतदेह ज्या अवस्थेत सापडला, ते रहस्य आजही उलगडलेलं नाही. जिवंत असतानाही त्या नेहमी शांत होत्या, आपल्या अफेअर्समुळे सतत त्रस्त होत्या आणि एका अज्ञात भीतीशी झुंज देत होत्या.

वृत्तानुसार, परवीन बाबी यांचा शाळेत असताना एक अपघात झाला होता, ज्यामुळे त्यांच्या मनात एक भीती निर्माण झाली. हळूहळू परवीन यांना पॅरानॉइड स्किझोफ्रेनिया नावाचा आजार जडला. या आजारामुळे आजारी व्यक्तीला कोणीतरी मारायला येत असल्याची भीती वाटायला लागली. अशी व्यक्ती प्रत्येकाला आपला शत्रू मानू लागते आणि तिचा असा विश्वास असतो की प्रत्येकजण तिचा शत्रू आहे. या वागणुकीमुळे परवीन यांची अनेक नाती तुटली आणि ही अनाकलनीय भीती तिला सतत सतावत होती.

परवीन बाबी यांचं कबीर बेदी आणि डॅनी डेन्झोंग्पा यांसारख्या अभिनेत्यांसोबत अफेअर होतं. परवीन यांचं नाव एकदा अमिताभ बच्चन यांच्याशीही जोडलं गेलं होतं. अनेक वृत्तांनुसार, याच भीतीमुळे परवीन बाबी अमिताभ बच्चन यांना आपला शत्रू मानत होत्या. नंतर, महेश भट्ट परवीन यांच्या आयुष्यात आले. महेश आधीच विवाहित होते, पण ते परवीन यांच्या इतके प्रेमात पडले की, त्यांनी घरही सोडलं आणि तिच्यासोबत राहू लागले. लिव्ह-इन रिलेशनशिपमध्ये राहत असताना, त्यांना समजलं की परवीन एका आजाराने त्रस्त आहेत.

महेश भट्ट यांनी सांगितला प्रसंग

तरीही, त्यांनी परवीन यांना सोडलं नाही, त्यांच्यावर उपचार केले. महेश भट्ट यांनी माध्यमांमध्ये परवीन यांच्यासोबतच्या आपल्या नात्याबद्दल नेहमीच उघडपणे भाष्य केलं आहे. त्यांनी सांगितलं की, एकदा ते कामावरून घरी परतले तेव्हा त्यांनी परवीन यांना सोफ्याच्या मागे चाकू घेऊन बसलेलं पाहिलं आणि त्या त्यांच्यावर हल्ला करणार असल्यानं त्यांना बाजूला होण्यास सांगत होत्या.

महेश भट्ट यांनी एका मुलाखतीत असाच एक प्रसंग सांगितला. ते परवीन यांना काही गोष्टी सांगून प्रोत्साहन देत होते, पण परवीन यांनी ऐकण्यास नकार दिला आणि त्या बाथरूममध्ये गेल्या. संतापून महेश घरातून निघून गेले. त्यानंतर परवीन बाबी त्यांच्या मागे धावत गेल्या आणि त्यांना थांबवण्याचा प्रयत्न केला. जेव्हा महेश यांच्या लक्षात आलं की परवीन यांनी कपडे घातलेले नाहीत, तेव्हा त्यांनी अभिनेत्रीला लगेच आत नेलं.

८० च्या दशकातील सुपरहिट अभिनेत्री परवीन बाबी यांना आजारपणामुळे चित्रपट मिळणं बंद झालं. त्यांचा शेवटचा चित्रपट ‘इरादा’ १९९१ मध्ये प्रदर्शित झाला, त्यानंतर त्यांनी निवृत्ती घेतली. परवीन मुंबईतील जुहू येथील रिव्हिएरा बिल्डिंगच्या सातव्या मजल्यावर राहत होत्या. तो फ्लॅट समुद्राच्या दिशेने आहे आणि तिथे ताजी हवा येते, पण आजही तो पडीक आहे आणि तिथे राहायला जाण्याचं धाडस कोणीही करत नाही. जानेवारी २००५ मध्ये, परवीन यांच्या त्याच अपार्टमेंटमध्ये राहणाऱ्या शेजाऱ्यांनी पोलिसांना फोन करून कळवलं की, दोन-तीन दिवसांपासून बाहेर वर्तमानपत्रे आणि दूध पडून आहे. आतून दुर्गंधी येत होती. पोलीस आले आणि त्यांनी अपार्टमेंट तोडून आत प्रवेश केला. आत परवीन बाबी यांचा कुजलेला मृतदेह आढळला. रिपोर्टनुसार, परवीन यांचा मृत्यू दोन-तीन दिवसांपूर्वीच झाला होता.