प्रेमानंद महाराजांना भेटताच पूनम पांडेच्या डोळ्यात पाणी, वृंदावनमधील Video व्हायरल
Poonam Pandey : होळीपूर्वी पूनम पांडे वृंदावनमध्ये कृष्णभक्तीत मग्न असल्याचे दिसून आले. तिथे तिने प्रेमानंद महाराजांचे आशीर्वादही घेतले. याचा एक व्हिडिओ सोशल मीडियावर व्हायरल झाला आहे.
बॉलिवूडमधील मॉडेल-अभिनेत्री पूनम पांडे अनेकदा वेगवेगळ्या कारणांमुळे चर्चेत असते. कधी ती आपल्या मृत्यूच्या अफवा पसरवते, तर कधी क्रिकेटपटूंवर कमेंट करून ट्रोल होते. मात्र आता तिचे एक वेगळेच रूप तिच्या चाहत्यांना पहायला मिळाले आहे. होळीपूर्वी पूनम पांडे वृंदावनमध्ये कृष्णभक्तीत मग्न असल्याचे दिसून आले. तिथे तिने प्रेमानंद महाराजांचे आशीर्वादही घेतले. याचा एक व्हिडिओ सोशल मीडियावर व्हायरल झाला आहे. याबाबत सविस्तर माहिती जाणून घेऊयात.
पूनम पांडेच्या डोळ्यात पाणी
पूनम पांडे नेहनी तिच्या चाहत्यांना आश्चर्यचकित करत असते. सध्या ती धार्मिक यात्रेसाठी वृंदावनला पोहोचली. तिचे अनेक फोटो आणि व्हिडिओ सोशल मीडियावर व्हायरल झाले आहेत. एका व्हिडिओमध्ये पूनम प्रेमानंद महाराजांचे सत्संग ऐकताना दिसत आहे. यावेळी ती इतकी भावनिक झाल्याचे दिसत आहे की तिला चक्क रडू कोसळले. हा व्हिडिओ सोशल मीडियावर व्हायरल झाला आहे.
View this post on Instagram
पूनम पांडेच्या डोळ्यात आलेले पाणी ती अध्यात्माशी किती जोडलेली आहे याची पावती देतात. प्रेमानंद महाराजांना भेटल्यानंतर तिने बांके बिहारींना भेट दिली. मंदिरात पाय ठेवताच ती पुन्हा भावनिक झाली. ती बांके बिहारींच्या मंदिरात हात जोडून प्रार्थना करताना दिसत आहे. तिचा व्हिडिओ पाहून असे वाटत आहे ती खूप काळापासून चिंतेत होती, मात्र वृंदावनला पोहोचल्यानंतर तिचे मन हलके झाले. या शहरात ती ई-रिक्षातून प्रवास करताना दिसली. पूनम पांडेच्या चेहऱ्यावरील आनंद पाहून या धार्मिक भेटीमुळे तिच्या मनाला शांती मिळाल्याचे दिसत आहे.
चाहत्यांच्या प्रतिक्रिया
वृंदावनमध्ये पूनम पांडेला सलवार-सूटमध्ये पाहून अनेकांनी आश्चर्य व्यक्त केले आहे. एकाने लिहिले की, ‘पूनम सलवार-सूटमध्ये आणि मेकअपशिवाय किती सुंदर दिसते.’ दुसऱ्याने लिहिले की, ‘सौ चुहे खाके बिल्ली हज को चली.’ आणखी एकाने लिहिले की, ‘भक्ती अशीच असते; ती सर्वांना बदलते.’ आणखी एकाने लिहिले की, ‘सध्या, आपण भक्तीच्या काळात आहोत.” दुसऱ्या एकाने म्हटले की, ‘जर ती खरोखर भक्तीच्या मार्गावर असेल, तर यापेक्षा चांगले काहीही असू शकत नाही.’
