रणबीर-आलियाची लेक राहाची ग्रँड बर्थडे पार्टी; कपूर कुटुंबासह इतर सेलिब्रिटींचीही हजेरी, किती वर्षांची झाली राहा?
रणबीर कपूर आणि आलिया भट्ट यांची लाडकी लेक राहा कपूरचा वाढदिवस नुकताच पार पडला. तिच्या वाढदिवसानिमित्त रणबीर-आलियाने एका भव्य पार्टीचे आयोजन केले होते. कपूर कुटुंबासह राणी मुखर्जीसारख्या सेलिब्रिटींनीही हजेरी लावली होती. नीतू कपूरने नातीच्या बर्थडे पार्टीचे फोटो शेअर केले आहेत. ज्यात पेप्पा पिग थीम आणि तसेच सेलिब्रेशनची झलक दिसून येत आहे.
रणबीर कपूर आणि आलिया भट्ट यांची लाडकी लेक राहा आता त्यांच्यापेक्षा जास्त प्रसिद्ध आणि चर्चेत असते. पापाराझी देखील तिचे फोटो घेण्यासाठी नेहमीच गर्दी करत असतात. राहा प्रसिद्ध आणि लोकप्रिय स्टारकिड आहे. तिची सध्याची प्रसिद्धी पाहता ती कोणत्या सेलिब्रिटीपेक्षा कमी नाही.
राहाचा कितवा वाढदिवस?
राहा कपूरचा 6 नोव्हेंबर रोजी वाढदिवस होता. राहा आता तीन वर्षांची झाली आहे. आलिया आणि रणबीरने त्यांच्या लेकीचा वाढदिवस अगदी दणक्यात साजरा केला आहे. या जोडप्याने एका भव्य पार्टीचे आयोजन केले होते. ज्यामध्ये संपूर्ण कुटुंब एकत्र आले होते.
राहाच्या वाढदिवसाच्या सोहळ्याला तिची मावशी शाहीनपासून ते राणी मुखर्जीपर्यंत अनेक सेलिब्रिटी उपस्थित होते. तसेच राहाची आजी, ज्येष्ठ अभिनेत्री नीतू कपूर यांनी या भव्य पार्टीचे फोटो सोशल मीडियावर शेअर केले आहेत. त्यावरून त्यांनी किती ग्रँड पार्टीचे आयोजन केले होते हे लक्षात येते.
-
- raha 3rd birthday
नीतू कपूरने राहाच्या वाढदिवसाचा फोटो अन् व्हिडीओ शेअर केला आहे
नीतू कपूरने तिच्या इंस्टाग्राम अकाउंटवर राहा कपूरच्या वाढदिवसाच्या पार्टीचे आतील काही फोटो शेअर केले आहेत. पहिल्या फोटोमध्ये नीतू कपूर तिच्या कुटुंबासह आणि अभिनेत्री राणी मुखर्जीसोबत गप्पा मारताना दिसत आहे. दुसऱ्या फोटोमध्ये राहाची आजी, आजी आणि काकू शाहीन भट्ट एकत्र पोज देताना दिसत आहेत. फोटोमध्ये कपूर कुटुंबातील काही जवळच्या मैत्रिणी देखील दिसत आहेत. राहाच्या पार्टीतील हे फोटो आता सोशल मीडियावर व्हायरल होत आहेत.
Raha’s birthday party ❤ Cute🥰 pic.twitter.com/UJCUAQiUVm
— safeena. A (@safeenafirdausi) November 6, 2025
पेप्पा पिगचा वाढदिवसाच्या पार्टीतील शो
या फोटोंव्यतिरिक्त, राहाच्या वाढदिवसाचा एक व्हिडिओ देखील समोर आला आहे. त्यात काही मुले लोकप्रिय कार्टून पेपा पिगचा आनंद घेताना दिसत आहेत.त्यावरून हे स्पष्ट होते की राहाच्या पार्टीचा लहान मुलांपासून ते मोठ्यांपर्यंत सर्वांनीच आनंद घेतला.
चाहत्यांनी राहाला वाढदिवसाच्या शुभेच्छा देत आहेत.
आलिया भट्ट आणि रणबीर कपूर त्यांच्या वैयक्तिक आयुष्याबद्दल खूपच सिक्रेट असतात विशेषत: त्यांच्या मुलीच्याबाबतीत. आलिया भट्ट आणि रणबीर कपूर सोशल मीडियावर राहाबद्दलच्या अपडेट्स क्वचितच मिळतात. नीतू कपूर अनेकदा सोशल मीडियावर राहाबद्दलच्या पोस्ट शेअर करत असतात. सोशल मीडियावर देखील आलिया भट्ट आणि रणबीर कपूरच्या लेकीला नेटकऱ्यांनी वाढदिवसाच्या शुभेच्छा दिल्या.
